2 Makronika 20:7 - Bhiblia Yo Sawuleka

⁷ Awe Txizimu txathu hi nga awe u nga tutumisa vahanyi va ditiko diya masoni ka vathu vako va ka Israyeli, u di ningela ka vanana va Abrahamu mngana wako kani?

2 Makronika 20:7 Referans Kwoze

Jakobe 2:23

Ngu toneto, yi tatisekile mibhalo yi yi ku: “Abrahamu a khotwe ka Txizimu, se atiya ti mningile ku e maha kota mlulami, se ene a dhanwi ku i mngana wa Txizimu.”

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Nehemiya 9:8

Se u wona kuthembeka ka mbilu yakwe masoni kwako, u maha nayo txitumelelano, txo ninga vanana vakwe ditiko da Vakanana, ni da Vaamori, ni da Vafarezi, ni da Vajebhusi, ni da Vagirigasi; se u tsanisile mapswi ako, nguko u lulamile.

Joxuwa 24:3

Se ani ni tekile tate wanu Abrahamu mtxhatuko ka mnambo wa Jordhani ni txi mtsimbilisa ngu ka dotshe ditiko da Kanana, ni andisile liveleko lakwe ni txi mninga Isaake.

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

Johani 11:11

Msana ka kuva a di wombile eto, a to va gela, a txi khene: “Lazaro mngana wathu a otete: Ani ni yela kuya mu wusa.”

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Johani 15:15

Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu.

Joxuwa 24:13

Ni mi ningile ditiko di mi nga mbi di thumela ni madhoropa aale mi nga mbi ma aka, aale mi zumbako ka ona, mivhinya ni miolivha ayile mi nga mbi yi phaya, ayile se mi dyako mihando ya kona.”

2 Makronika 20:8

Se va to aka ka dona ni kuakela ditina dako nyumba yo sawuleka va txi kha vona:

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

Dhewuteronome 4:38

A tutumisile masoni kwako, vathu va va ku palako ngu wuhombe ni mtamo, kasi ku ku wuleta awe ditikoni kwawe, adi a nga kuninga awe, di txi maha thomba yako, nga ti kala ni nyamsi i ku toneto.

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Joxuwa 23:9

Kunene Mkoma a tutumisile, masoni kwanu, mifumo ya hombe ya mtamo, kha nga ho ni wammweyo a mi tsanelako kala ka yiya mbimo.

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.