2 Makronika 20:3 - Bhiblia Yo Sawuleka

³ Sekoko Josafati a to thava e lava Mkoma; a to gela votshe va ka Judha kuve ti tona kudya.

2 Makronika 20:3 Referans Kwoze

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

2 Makronika 19:3

Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Jeremiya 36:9

Ngu dilembe da wutxhanu da Jehoyakimu mwana Josiya, mfumeli wa ka Judha, ngu mtxima wa wutxhanu ni mune, ku to pekwa nyiwo ya ditshiku da kuyila masoni ka Mkoma, ka votshe vathu va Jerusalema, ni votshe vathu va humako ngu madhoropani ka Judha va txita Jerusalema.

1 Samuwele 7:6

Se va to sengeletana kona Misipa, ve reka mati ve ma theletela masoni ka Mkoma, kambe ka ditshiku donedo va to titona kudya, va txi kha vona: Hi onhete Mkoma. Se Samuwele a to lamula vanana va ka Israyeli kona Misipa.

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Jona 1:16

Se vavamna vava, va to khata kuthava Txizimu, ngu txithavo txa hombe, ve ningela miphaxo ka Mkoma, ni sixambanyo sawe.

2 Makronika 11:16

Msana kwawe, totshe tihunzu ta va ka Israyeli, avale va nga lava Mkoma Txizimu txa Israyeli, ngu timbilu tawe, va toya Jerusalema kuya ningela mhamba ka Mkoma Txizimu txa vatate vawe.

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.

2 Makronika 7:14

Ngako vathu vangu, avale va dhanwako ngu ditina dangu, va txi ti sola, ve khongela, ve leka tinzila tawe to biha, ani ni na va engisa ni di nzumani, ni va divalela sionho sawe, ni holisa ditiko dawe.

Nehemiya 9:1

Se ka ditshiku da magumi mambidi ni mune, ka wona mtxima wuwa, vanana va ka Israyeli va to sengeletana, ve ti tona sakudya, va di ambate syambalo sa masaka, va di ti theletete mafu ha msungo kwawe.

Amosi 5:4

Mkoma a womba tiya ka va Israyeli a txi khene: Ni laveni mi na hanya.