2 Makronika 20:26 - Bhiblia Yo Sawuleka

²⁶ Se ka ditshiku da wumune, va to sengeletana mkovani ka Bheraka, ve dhumisa Mkoma koneyo. Ngu toneto, wukhalo wule wu dhanwa ku i Bheraka kala nyamsi.

2 Makronika 20:26 Referans Kwoze

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Isaya 62:4

Khu na mbi ngadi u dhanwa ku u “Wo Lekwa,” ni ditiko dako kha di na mbi dhanwa kambe taku “Dirumbi”; aniko va na kudhana taku “Hefizibha,” ni ditiko dako di na dhanwa taku “Bhewula,” nguko Mkoma wa tsaka ngu ngawe, se Mkoma a na tekana ni ditiko dako.

2 Makronika 5:9

Se siñolo sa dona si ti ti laphile, aha koza titshoka ta sona ti woneka ka wukhalo wo khongela ka wona, na u di ka wukhalo wo sawuleka ngutu; ani ngu hahanze si si woneki; si zumbile konaho, kala ka ditshiku da nyamsi.)

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”

Genesisi 32:20

Mi na m'gela ku khanu: “Jakobe txithumi txako, ene apune wata msana kwathu.” Jakobe a ti khene: “Ni na mthuthisa ngu txiningo txi ni txi thangetisako; se ngu msana, ni na hoka ni txi ya ti kombisa kwakwe, mwendo a na ni amukela.”

2 Samuwele 22:1

Se Dhavhidha a to womba ka Mkoma mapswi a ndando yiya, ka ditshiku dile Mkoma a nga mtxhatxhisa manzani ka votshe valala vakwe ni manzani ka Sawule.

1 Samuwele 7:12

Sekoko Samuwele a to teka dirigwi e di emisa hagari ka Misipa ni Semi, kambe a to raya ditina daku Ebhenezeri, a txi khene: Kala hawa, Mkoma a hi vhuni.

Mithumo 1:19

Mhakeyo yi zivilwe ngu votshe va va nga aka Jerusalema, ahawa koza ve ninga thembwe yileya ditina daku i Hakeldhama, atiya, ngu lidimi lawe, ti wombako ku ‘Thembwe ya Mnoha’).

Genesisi 28:19

Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.

1 Makronika 12:3

Ayiyezeri, mthangeli, ni Jowa, vanana va Semaha, Mugibheya; Jeziyeli ni Peleti, vanana va Azimavhati; ni Bheraka, ni Jewu, Muanatoti;

2 Makronika 20:25

Se Josafati ni vathu vakwe va to honyolela sotshe simaha sa valala vawe. Ve mana thomba yayingi ni sirumbi sasingi, ni siya sa lisima; Mthumo wuwa u hetile masiku maruru, nguko simaha sa kona i ti sasingi ngutu.

2 Makronika 20:27

Sekoko, votshe va Judha ni va Jerusalema, va to tshumela veya Jerusalema ngu kutsaka. Josafati a to thangela masoni kwawe, nguko Mkoma a di va tsakisile ngu kuvaninga kuxula ka valala vawe.