2 Makronika 20:22 - Bhiblia Yo Sawuleka

²² Se ka mbimo yile va nga khata kupeka mikulungwani ya kutsaka ka hombe ni kudhumisa, Mkoma a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.

2 Makronika 20:22 Referans Kwoze

Ezekhiyele 38:21

Nguko Goge ni na m'dhanela ditxhari, txitimwi ka yotshe mimango yangu, kuwomba Mkoma Txizimu; ditxhari da mmweyo ni mmweyo di na wukela mwanawe.

1 Samuwele 14:20

Sekoko Sawule kumweko ni votshe vathu vale a nga ti navo, va to sengeletana, veya kulwani; wona taku ditxhari da mmweyo di ti ti thola mmwani, se ku to maneka pfilu-pfilu ya hombe ngutu.

Isaya 19:2

Nguko ni na maha ti to Vaegipta va txi wukela Vaegipta, se mmwani ni mmwani a na lwa ni mwanawe, ni muakelani a nalwa ni muakelani wakwe, didhoropa di na wukela dimwani didhoropa, mfumo wu na wukela wumwani mfumo.

2 Vafumeli 6:17

Se Elixa a to khongela a txi khene: Mkoma, na ku kombela ti to u mtula maso kasi ku e wona. Se Mkoma a to tula maso a dijaha, di so wona. Mmango wu ti ti tate ngu mahantxhi ni sikotxikani sa mndilo, si di ranganyetile Elizewu.

Valamuli 7:22

Ngako avale va 300 va nga ti veta mipundu, Mkoma a to maha a tito, wugoveloni kotshe ka Vamidhiyani mmwani ni mmwani va txi bhayana ngu matxhari ni mkwawe. Votshe vathu va yimbi va to thava kala Bheti-Sita, hafuhi ni Zerera, kala m'hinganoni ka Abhele-Mawola, masoni ka Tabhati.

2 Makronika 20:10

Wona vanana va ka Amoni ni va ka Mowabhi ni vanana va mimangoni ka Seyiri, ava u nga va lambela kuva txi pinda ngu Israyeli, mbimo yi va nga ti wuya ngu ditikoni da Egipta, se va to va vayilela va si valovisi.

2 Makronika 13:13

Jerobhowamu a to veka vathu vo baramela ngu madhawani, kasi kuveta ngu msana kwawe.

1 Samuwele 14:16

Vawoneleli va Sawule koko, vale va nga ti Gibheya ka Bhenjamini, va to wona vathu va txi thekela ngu kututuma, na va txi gumulana.

2 Makronika 21:8

Ka masiku a Jehoramu, va ka Edhomi va to lwisa mfumo wa ka Judha, se ve ti vekela mfumeli txitimwi kwawe.

Joxuwa 6:16

Se ku to maheka taku, mbimo yile vaphaxeli va nga txi veta titshodi, ka txikhati txa wutxhanu ni simbidi, Joxuwa a to khene ka vathu: “Kwangulani! Nguko Mkoma a mi ningile didhoropa!”

2 Samuwele 22:4

Mkoma ana ni fanelo ya kudhumiswa, ni mdhani, se ni mana kutxhatxhiswa ka valala vangu.

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

2 Makronika 13:15

Se vavamna va ka Judha va to peka tihuwa, Txizimu txi txi engisa tihuwa ta va ka Judha txi to peka Jerobhowamu ni votshe va ka Israyeli ngu lifo masoni ka Abhiya ni ka va ka Judha.

Masalmo 18:4

Ni randetwe ngu titxhini ta lifo, ni minambo ya wubihi yi ni fenengetile.