2 Makronika 20:21 - Bhiblia Yo Sawuleka

²¹ Josafati a to pfana ni vathu vakwe, e veka mtxawa wa vaembeleli masoni ka dibutho dakwe da yimbi, ava va nga ti ti embelela ni kudhumisa Mkoma va txi kha vona: Dhumisani Mkoma nguko lirando lakwe li zumba ngu ha ku si gwitiko.

2 Makronika 20:21 Referans Kwoze

Masalmo 107:1

Bongani Mkoma, nguko ene mnene, nguko wunene wakwe mbwa yotshe mbimo.

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

1 Makronika 16:34

Dhumisani Mkoma, nguko mbwa mnene: Ni lirando lakwe li zumba ngu ha ku si gwitiko.

1 Makronika 16:29

Ningani Mkoma wudhumo wu wu fanelako ditina dakwe, tisani siningo, mi ta masoni kwakwe; Khizamelani Mkoma ha kusawulekani kwakwe.

Masalmo 29:2

Pfalisani ditina do dhumiseka da Mkoma; khizamelani Mkoma nyumbani kwakwe ko sawuleka.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

2 Makronika 7:6

Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.

2 Makronika 7:3

Se votshe vanana va ka Israyeli, mbimo yi va nga wona ti to mndilo ni wudhumo wa Mkoma sa txhika txitimwi ka nyumba, va to khizama ve namisa tikhohe tawe ti gwesa mafu, ve khozela ni kudhumisa Mkoma, nguko mbwa mnene, ni lirando lakwe li na zumba ngu ha ku si gwitiko.

Masalmo 96:9

Khozelani Mkoma, na mi di ambate wusawuleki, mkombeni txithavo masoni kwakwe, anu vathu va ha mafuni!

Masalmo 90:17

Wu nate txitimwi kwathu wunene wa Mkoma, Txizimu txathu. Tsanisa Mkoma, mithumo ya manza athu, ina, tsanisa mithumo ya manza athu!

Nehemiya 12:27

Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.

1 Makronika 16:41

Se hagari kwawe a to yisa Hemani, ni Jedhutumi, ni votshe vale va nga sawulwa, vale va nga dhanwa ngu matina awe, kuve dhumisa Mkoma, nguko lirando lakwe li zumba ngu ha ku si gwitiko.

Mavingu 11:14

Ku si nga ni wuthangeli wo txhariha, vathu va wa, aniko ku di ni valayeli vavangi, ku ni kutsana.

Masalmo 50:2

Txizimu txa woninga kukhukhela Siyoni, didhoropa da kutshura ko hetiseka.

2 Makronika 30:21

Vanana va ka Israyeli, ava va nga ti Jerusalema, va to maha M'buso wa mapawu a kwa mbi tshumbelwa, mtxhanu wa masiku ni mambidi, ngu litsako la hombe. Ditshiku ni ditshiku, Valevhi ni vaphaxeli va ti kwangula va txi dhumisa Mkoma.

Masalmo 18:4

Ni randetwe ngu titxhini ta lifo, ni minambo ya wubihi yi ni fenengetile.