2 Makronika 20:2 - Bhiblia Yo Sawuleka

² Sekoko vathu vamwani va to ya gela Josafati va txi kha vona: Wa telwa ngu vathu vavangi ngutu, ngu mtxhatuko ka linene ni ka Siriya; konkuwa va maneka (Hazozomi-Tamari, i ku Eni-Gedhi).

2 Makronika 20:2 Referans Kwoze

Genesisi 14:7

Vona va to tshumela va txi ta ka Mlonga wa Kuthethiswa, i ku Kadhesi, ve khozisa dotshe ditiko da Vaamaleki ni da Vaamori, va nga ti akile ditikoni ka Azazani-Tamari.

1 Samuwele 23:29

Se Dhavhidha a to kwelela eya zumba mikhokholani ka Eni-Gedhi.

Ndando ya Tindando 1:14

Ku nga txizangwa txa Xipre, tithembweni ka Engedhi, txirandwa txangu txi lumba ani.

Joxuwa 15:62

Nibsane, Iri-Hamelaki ni Eni-Gedhi: I mtxhanu wa madhoropa ni dimwedo ni sidhoropana sa kona.

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Mitengo 34:12

Kambe muhingano wuwa wu na kwitima wo londetela mnambo wa Jordhani, wu txi ya gwitela ka Linene la Mnyu; adiya i nava ditiko danu, madingano ni mihingano yi yi di ranganyetako.

Genesisi 14:3

Votshe vafumeli vava, va to tshangana mkovani ka Sidhime, i ku Linene la Mnyu.

Ezekhiyele 47:10

Vadoti ni vona va na va hafuhi ka txinambwana; kukhukhela Eni-Gedhi, kala Eni-Eglayime, ku nava ni wukhalo wo nawuluta tikoka; sihaka sa kona, ngu tixaka ta sona, si na nga sihaka sa Linene la Hombe, ngu kutala ngutu.

Ezekhiyele 48:28

Se hafuhi ni muhingano wa ka Gadhi, kukhukhela ka didhawa da wuphemba, muhingano wu na khukhela ka Tamari kala matshanganoni ka mati a Kadhesi, kuya didhawa ka txinambwana kala ka Linene la Hombe.

Ezekhiyele 47:19

Se muhingano wa wuphemba wu na khukhela Tamari, kala matshanganoni ka mati a Kadhesi, hafuhi ka txinambwana, kala ka Linene la Hombe.