2 Makronika 20:13 - Bhiblia Yo Sawuleka

¹³ Vavamna votshe va ka Judha va to ema masoni ka Mkoma kumweko ni vanana vawe ni vasikati vawe.

2 Makronika 20:13 Referans Kwoze

Mithumo 21:5

Kambe ngako ma di gumile masiku ale, hi to longela kasiku hi khukha. Hi khukhile na hi txi heleketwa ngu vavasikati ni sivananana. Ngako hi di humile hahanze ka didhoropa, hi to khizama mabambe ka mati hi khongela.

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.

Ezra 10:1

Se mbimo yile Ezra a nga khongela, e ti sola, e dila, e ti namisa masoni ka Nyumba ya Mkoma, vathu va msengeletano wa hombe wa va ka Israyeli, vavamna ni vavasikati, ni vanana, va to ta patana nayo, na va txi dila, ngu huwa ya hombe.

Dhewuteronome 29:10

Anu motshe mi emile nyamsi ka Mkoma, Txizimu txanu, ni misungo ya tihunzu tanu, ni madhota anu, ni vathangeli vanu, ni votshe vathu va ka Israyeli,

2 Makronika 20:12

Oh! Txizimu txathu, i na khu na mbi va lamula kani? Nguko athu kha hi nga ni mtamo wa kulwa ni vathu vavangi ngutu ava va telako ku ta hi xasela. Kha hi ti zivi ti hi felako ku ti maha, maso athu ma wonisela awe!

2 Makronika 20:14

Sekoko Moya wa Mkoma wu to txhika hagari ka msengeletano txitimwi ka Jahaziyeli, mwana Zakariya, mwanana wa Bhenaya, mwana Jeyeli, mwana Mataniya Mulevhi wa vanana va Asafe.

Dhewuteronome 29:9

Ngu toneto, xayisani mapswi a txitumelelano txiya, mi txi ma vekisa, kasi ku mi na humelela, ka totshe ti mi no ti maha.

Joyeli 2:16

Sengeletani vathu, sawulekisani msengeletano, patani madhota, sengeletani timenzani ni vale va mamako; a na hume mteki ngu ndangani kwakwe ni mtekiwa ngu phanzekelani kwakwe.