2 Makronika 20:12 - Bhiblia Yo Sawuleka

¹² Oh! Txizimu txathu, i na khu na mbi va lamula kani? Nguko athu kha hi nga ni mtamo wa kulwa ni vathu vavangi ngutu ava va telako ku ta hi xasela. Kha hi ti zivi ti hi felako ku ti maha, maso athu ma wonisela awe!

2 Makronika 20:12 Referans Kwoze

Masalmo 25:15

Maso angu ma wonetela Mkoma yotshe mbimo, nguko ene wa ni hulukisa ka totshe tiphango.

Masalmo 141:8

Kambe maso angu ma kuwona awe Mkoma, Txizimu txangu; ani ni themba kwako; u nga leke moya wangu.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Masalmo 9:19

Khukha u txi ema, Mkoma, u nga leke vathu va txi kueyisa! Nguko m'thu kha nga ka wutxhukwana! Mahedheni ma na lamulwe masoni kwako.

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Jona 2:4

Se ani nokha ni ti khani: Ni rinzilwe kule ni khohe yako; hambi keto, ni na engeta ni wona dithepele dako do sawuleka.

2 Samuwele 14:11

Se wamsikati a to khene: Ni kombela ti to awe mfumeli u alakanya Mkoma, Txizimu txako, kasiku vawukeli va mnoha va si engeteli dikhombo diya ngu kudaya mwanana wangu. Sekoko mfumeli a to khene: A na hanye Mkoma, hambi msisi wawumwewo wa mwanana wako kha wu na mbi wa hahatshi.

1 Samuwele 3:13

Nguko ani se ni m'zivisile taku, ni na lamula nyumba yakwe kala kupinduka, ngu mhaka ya sionho si ene asi zivako. Nguko mbimo yi vanana vakwe va nga maha mhaka yo nyenyeza, kha va kawuka.

Valamuli 11:27

Ngu mhaka ya eto, ani kha na kuonhela, aniko awe ngawe u ni vhukako ngu ku ni xomela matxhari, u txi lava kulwa ni nani; Mkoma i ku mlamuli a na lamula nyamsi hagari ka vanana va ka Israyeli ni vanana va ka Amoni.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Masalmo 7:8

Mkoma, ngawe u lamulako vathu. Ni lamule, Mkoma, madingano ni fanelo yangu ni lamule madingano ni hawa ni ku si nga ni mnandu, awe Nyatxitimwi.

Joyeli 3:12

ma na khukhe ma txi ema matiko ma naye mkovani ka Josafati; nguko ni na khalahatsha koneyo ni lamula otshe matiko a madhawani

2 Vafumeli 6:15

Se dijaha da Elixa m'thu wa Txizimu, di to wuka ni mixo ngutu di huma, na kuve dibutho di ti ti randete didhoropa ngu mahantxhi ni sikotxikani; sekoko dijaha dakwe di to m'gela tiya: Yowe! Awe nyamne wangu! Hi na maha txani kani?

Isaya 42:4

Kha na mbi pwateka, kambe kha na hambi funywa, kala kuza e veka wululamo ha mafuni. Se sitondolo si na vereka mlayo wakwe.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

2 Makronika 20:13

Vavamna votshe va ka Judha va to ema masoni ka Mkoma kumweko ni vanana vawe ni vasikati vawe.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

1 Vafumeli 1:20

Ngu konaho koko, awe mfumeli, nyamne wangu, maso a dotshe ditiko da Israyeli ma wonetela awe, kuva u txi va gela ti to i mani a no khalahatsha txikhaloni ka mfumeli, msana kwako awe nyamne wangu.

Masalmo 94:2

Awe, u ku mlamuli wa ditiko, khukha u txi ninga va va kutikulisa, txhatxhazelo yi va fanelako ku yi amukela!