2 Makronika 20:10 - Bhiblia Yo Sawuleka

¹⁰ Wona vanana va ka Amoni ni va ka Mowabhi ni vanana va mimangoni ka Seyiri, ava u nga va lambela kuva txi pinda ngu Israyeli, mbimo yi va nga ti wuya ngu ditikoni da Egipta, se va to va vayilela va si valovisi.

2 Makronika 20:10 Referans Kwoze

Dhewuteronome 2:19

se u na hoka ka vanana va ka Amoni; u nga va lwise, kambe u nga va vhuke, nguko ani kha ni na mbi kuninga tximaha ni txa tximwetxo txa ditiko da vanana va ka Amoni; nguko ani ni di ningete ka vanana va Loti, di txi maha thomba yawe.

Dhewuteronome 2:9

Sekoko Mkoma a ni gete a txi khene: “U nga m'vhuke Mowabhi, kambe u nga mlwise, nguko ani kha ni na mbi kuninga tximaha txa mu ditikoni kwawe. Nguko ni mningile ditiko da Are, di maha thomba ya vanana va Loti.”

2 Makronika 20:1

Msana keto, vanana va ka Mowabhi ni vanana va ka Amoni ni vamwani Vaamoni va to lwa ni Josafati.

2 Makronika 20:22

Se ka mbimo yile va nga khata kupeka mikulungwani ya kutsaka ka hombe ni kudhumisa, Mkoma a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.

Masalmo 83:6

Ava va mahako tiya ngu Vaedhomi ni Vaismayeli, liveleko la Mowabhi ni la Agari,

Masalmo 83:7

ngu Vagedhali, Vaamoni ni Vaamaleki, Vafilista ni vaaki va Tiro

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.