2 Makronika 2:4 - Bhiblia Yo Sawuleka

⁴ Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

2 Makronika 2:4 Referans Kwoze

Eksodha 30:7

Aroni a na hisela kona dibaselo do bhumula ngu txitimwi ka dona, mixo ni mixo, mbimo yile a lulamiselako malambu, ene a na hisa dibaselo di txi tuvikela.

Eksodha 25:30

Se txitimwi ka meza u na veka mapawu a mhamba, ma txi va i di txikombiso masoni kwangu, ka yotshe mbimo.

2 Makronika 2:1

Se Solomoni a to ti lulamisela kuakela nyumba ditina da Mkoma, ni nyumba ya mfumo wakwe.

1 Vafumeli 8:63

Se Solomoni a to ningela mphaxo ngu kuthutha, mphaxo wu a nga wu maha ka Mkoma, 22.000 wa tihomu ta mikati, mbwa ni 120.000 wa tinvuta; ngu kumaha keto mfumeli ni votshe vanana va ka Israyeli, va to ningelisisa Nyumba ya Mkoma.

1 Vafumeli 8:18

Kambe Mkoma a ti khene ka tate wangu Dhavhidha: Ngako u nga alakanya mbiluni kwako kuakela nyumba ditina dangu, u mahile kwati u nga alakanya mbiluni kwako.

1 Vafumeli 5:5

Se ani ni lava kuduketa kuakela nyumba ditina da Mkoma, Txizimu txangu, nga ti Mkoma a nga wombisa tona ka Dhavhidha, tate wangu, a txi khene: Mwanana wako, awu ni no m'veka ha wukhaloni kwako ka wukoma, eyo a na akela nyumba ditina dangu.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

Nehemiya 10:33

kuva txa mapawu a txikombiso, ni mningelo wa sakudya sa ditshiku ni ditshiku, ni wa kuhiswa wa mlongiso, ni wa mitxima ya yiphya, ni wa mibuso ya kudikha, ni wa siya so sawuleka, ni wa miningelo wa sionho, kasi kudivalela va ka Israyeli, ni wotshe mthumo wa Nyumbani ka Txizimu txathu.

1 Makronika 22:5

Nguko Dhavhidha a ti ti khene: Mwanana wangu Solomoni i ngadi mfana, na kona kha se ziva txilo, se nyumba yi yi no akelwa Mkoma nja hombe ngutu, nja ditina ni wudhumo ka otshe matiko; konkuwa koko, ani ni na lulamisela so aka ngu sona. Ngu kumaha keto, Dhavhidha a to lulamisela simaha sasingi so aka ngu sona, a sanzi kufa.

Masalmo 86:8

Kha si nga ho sizimu si si dinganako ni nawe, Mkoma; kuwalo wu a sikotako kumaha ati awe u mahako.

Masalmo 96:4

nguko Mkoma mbwa hombe, ana ni fanelo ya kudhumiswa, a fanete kuthawa kupinda sotshe sizimu!

Mavingu 7:20

Manzani kwakwe a ni txikwamana txa male; a na wuya m'tini ngu ditshiku di a ngadi womba.