2 Makronika 2:13 - Bhiblia Yo Sawuleka

¹³ Konkuwa se ni kurumela m'thu wa wuzivi, ni kupfisisa ngutu ta tinene, i ku Hirawu-Abhi,

2 Makronika 2:13 Referans Kwoze

2 Makronika 4:16

ni tidhuwa, ni mafoxola, ni tifoloko, ni sotshe siya sile Hiramu-Abhi a nga mahela mfumeli Solomoni, Nyumbani ka Mkoma, sotshe i ti sa koporo yo tshuriselwa.

1 Vafumeli 7:13

Mfumeli Solomoni a to rumela mitumi ka Hiramu wa Tiro.

2 Makronika 2:7

Ni rumele koko konkuwa m'thu wa wuzivi kuva a txi na thuma ngu nzalama, ni silivhela, ni msuku, ni tisimbi, ni purpura ni karmezimi, ni ya lixaka la nzumani, ni m'thu wo ziva kuvata marigwi, va ku na thuma kumweko ni sizivi si si ku ni nani ani Judha ni Jerusalema, asi si nga vekiswa ngu Dhavhidha tate wangu.

2 Makronika 2:12

Hiramu a to womba kambe a txi khene: Kukateka ku nave ka Mkoma Txizimu txa Israyeli, txi nga maha nzuma ni mafu, txi nga ninga Dhavhidha, mwanana wa wuzivi, wa wutxhari wa hombe ni kupfisisa, a na ake Nyumba ya Mkoma ni ya mfumo wakwe.

2 Makronika 2:14

mwanana wa wamsikati mmweyo wa vanana va Dhani, awu tate wakwe i nga ti ti wa Tiro; awuwa wa sikota kukela nzalama, ni silivhela, ni msuku, ni tisimbi, ni mapulango, ni ngu kuluka linyu ngu purpura, ni nguwo wa mxaka wa nzumani, ni ngu linyu yo songa, ni ngu karmezimi, futhi wa txarihisela ka mthumo wo vata marigwi, ni sotshe sa kumahwa ngu wutxhari, tximaha txihi ni txihi a gelwako ku tximaha, kumweko ni sizivi sako ni sizivi sa Dhavhidha, nyamne wangu ni tate wako.