2 Makronika 19:6 - Bhiblia Yo Sawuleka

⁶ A txi gela valamuli a txi khene: Ti woneleni ka ti mi no ti maha, nguko kha mi lamuli ngu kurumwa ngu vathu kambe mi rumwa ngu Mkoma, ene ani nanu ka mthumo wo lamula.

2 Makronika 19:6 Referans Kwoze

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

Ekleziyaste 5:8

Ngako u txi wona kuxaniswa ka sisiwana sa ditiko dokari da hombe, ni kulwiswa, ka wukhalo wa wulamuli ni wululamo, u nga xamale ngu mhaka yo nga eyo; nguko awule a ku txitimwi ngutu kupinda vale va ku txitimwi, wa khatala ngu tona; kambe ku ni vo guleka ngutu kupinda vona.

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

Joxuwa 22:5

Ti woneleni dwe, mi txi vekisa ngu kukhutala, sirumo sa milayo, ayi Mosi, txithumi txa Mkoma a nga mi ninga, ngu kuranda ka Mkoma, Txizimu txanu, mi txi tsimbila ngu tinzila takwe ka mbimo yotshe, mi xayisa sirumo sakwe, mi txi namarela kwakwe, ni ku mthumela ngu yotshe mbilu yanu ni wotshe moya wanu.”

Mithumo 22:26

Ngako yi txi engisa toneto, mthangeli wa dizana a to tutuma; eya gela mthangeli wa hombe wa yimbi, a txi khene: “Nji txani u lavako kumaha kani? Mamoyo njivelekwa txa mroma!”

Mithumo 5:35

Se a txi khene kwawe: “Vavamna va ka Israyeli, ti woneleni ka ti mi lavako ku ti maha ka vathu vava;

Luka 21:8

Ene a xamute a txi khene: “Ti woneleni, mi si tumeli kukanganyiswa, nguko vavangi va nata ngu ditina dangu, va txi kha vona: ‘Ani ngani’, mwendo kambe ku kha vona: ‘Mbimo se yi hafuhi!’ Mi nga va londeteleni.