2 Makronika 19:5 - Bhiblia Yo Sawuleka

⁵ Se a to veka valamuli ditikoni ka madhoropa otshe a hombe, ka didhoropa ni didhoropa.

2 Makronika 19:5 Referans Kwoze

2 Makronika 19:8

Se Josafati a to veka kambe Valevhi vokari, ni vaphaxeli, ni vathangeli va vatate va ka Israyeli, e va veka ka mthumo wo lamula timhaka ta Mkoma ni ta vathu, kona Jerusalema.

Matewu 5:21

“Mi ti engisile ati ti nga wombwa ka vakale, va txi kha vona: ‘U nga daye; awule a dayako a fanete kuthethiswa.’

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.

Levhi 14:42

Ngu toneto, va na veketela mamwani marigwi o hambana kona hale ma nga ti ti kona mamwani, se va txi kopola nyumba kambe.