2 Makronika 19:3 - Bhiblia Yo Sawuleka

³ Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

2 Makronika 19:3 Referans Kwoze

2 Makronika 12:12

Se ene a to ti veka hahatshi, Mkoma a to thavisa kuhenya kwakwe txitimwi kwawe, kasi ku asi va fuvisi votshe; nguko Judha ku ti ni silo sa sinene.

Ezra 7:10

Nguko Ezra a ti ti vekisete mbiluni kwakwe, kulava Mlayo wa Mkoma, kasi ku wu londeta, ni kugondisa kona Israyeli, sileleto sa kona, ni madingano a kona.

1 Vafumeli 14:13

Se votshe va ka Israyeli va na m'dila va txi mtshotsha, nguko ku manwi wunene kwakwe madingano ni Mkoma, Txizimu txa Israyeli, nyumbani ka Jerobhowamu.

2 Makronika 30:19

va longiselako timbilu tawe kasi kuve lava Mkoma Txizimu, Txizimu txa vatate vawe, hambi ku va sinziko ku ti sawulekisa.

2 Makronika 12:14

A to maha ta kwa mbi lulama, nguko kha lava Mkoma ngu mbilu yakwe yotshe.

Varoma 7:18

Nguko na tiziva ti to ati i ku tinene kha ta aka kwangu, ni womba mmidini kwangu; nguko kulava kumaha ta tinene ni nako, aniko mtamo wa ku ti maha kha ni nga nawo.

Masalmo 57:7

Mbilu yangu yi tsani, awe Txizimu, mbilu yangu yi tsani ni na embelela tindando ta ku kudhumisa.

1 Samuwele 7:3

Sekoko Samuwele a to womba ka votshe va nyumba ya ka Israyeli, a txi khene: Ngako mi txi hundukela ka Mkoma ngu totshe timbilu tanu, thavisani sizimu sa vamatiko ni sa astarote hagari kwanu, mi lulamisela Mkoma timbilu tanu totshe, kambe mi thumela ene dwe, se a na mi hulukisa manzani ka Vafilista.

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

2 Makronika 20:33

Hambi keto, makhalo o guleka kha ma thaviswa, nguko vathu va si nze kulongisela timbilu kasi kukota kutshangana ni Txizimu txa vatate vawe.

2 Makronika 11:16

Msana kwawe, totshe tihunzu ta va ka Israyeli, avale va nga lava Mkoma Txizimu txa Israyeli, ngu timbilu tawe, va toya Jerusalema kuya ningela mhamba ka Mkoma Txizimu txa vatate vawe.

2 Makronika 15:12

Ve wulela ka txitumelelano txo lava Mkoma, Txizimu txa vatate vawe, ngu timbilu tawe totshe ni mihefemulo yawe yotshe,

2 Makronika 15:15

Votshe va ka Judha va to tsaka ngu kuxambanya kwawe, nguko va xambayile ngu timbilu tawe totshe, ni ngu kuranda kwawe va mu lavile va mmani; se Mkoma a to va ninga kudikha ngu madhawa otshe.

2 Makronika 22:9

Msana keto, a to lava Akaziya eya mñola (Samariya nguko a ti ti baramile kona), ve mu yisa ka Jewu, e ta dawa, e tshotshwa, nguko va ti kha vona: Mwanana wa Josafati, awule a nga lava Mkoma ngu mbilu yakwe yotshe. Se ka nyumba ya Akaziya ku si na m'thu wo a nga fuma.

2 Makronika 27:6

Sekoko, wukoma wa Jothamu wu to tsana, nguko a tsimbite ngu tinzila ta Mkoma Txizimu txakwe.