2 Makronika 19:2 - Bhiblia Yo Sawuleka

² Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

2 Makronika 19:2 Referans Kwoze

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Vaefesu 5:11

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.

2 Makronika 18:3

Akabe, mfumeli wa Israyeli, a to gela Josafati, mfumeli wa Judha, a txi khene: U na tsula ni nani Ramoti-Gileyadhi kani? Se Josafati a to m'gela a txi khene: Ani ni fana ni nawe, ni vathu va mina va na fana ni vako, hi nava ni nawe yimbini.

2 Makronika 32:25

Ezekhiya kha sikota kubonga wunene wu va nga mmahela ngu Mkoma, nguko a ti tate ngu kutikulisa mbiluni kwakwe, se kuhenya ka Mkoma ku to txhika txitimwi kwakwe, ni txitimwi ka va ka Judha ni Jerusalema.

2 Makronika 24:18

Va to leka Nyumba ya Mkoma, Txizimu txa vatate vawe, veya khozela sithombe so vatwa ni sizimu simwani sawe. Se ngu mhakeyo Mkoma a to henyela va ka Judha ni va Jerusalema.

2 Makronika 20:34

Wungi wa mithumo ya Josafati yo khata ni yo hetelela, yi bhatwe amu ka dibhuku da matimu a Jewu, mwana Hanani, awa a nga ma wuletisa ka dibhuku da matimu a vafumeli va Israyeli.

2 Makronika 16:7

Ngu mbimo yoneyo Hanani m'huti a to ta ka Asa mfumeli wa va ka Judha e ta womba a txi khene: U themba mfumeli wa Siriya, khu thembi Mkoma Txizimu txako, ngu toneto mabutho a mfumeli wa Siriya ma hulukile mawokoni kwako.

1 Vafumeli 16:1

Sekoko di tile dipswi da Mkoma ka Jehu, mwana Hanani, do wukela Bhahasa, di txi kha dona:

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

1 Samuwele 9:9

(Kale ditikoni ka Israyeli, ngako va txi ya wotisa ka Txizimu, va ti ti kha vona: Ngonani, hi tsimbile ka m'huti; nguko ka mprofeti wa nyamsi kale a ti dhanwa ku m'huti.)

Varoma 1:30

mbaruketeli, mbalala va Txizimu, vakanyisi va kutikulisa, va kutithemba, vasiki va to biha, vaeyisi va vaveleki vawe, mabhemba;

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Johani 15:23

Awu a ni vengelako, a vengela ni Tate wangu.

Johani 15:18

“Ngako ditiko di txi mi vengela, ti ziveni ti to di thangile ngu ngani di txi ni vengela.

Masalmo 68:1

Mbimo yi Txizimu txi wukako, valala va txona va hangalaka; avale va txi zondako va txi thava;

Masalmo 21:8

Dianza da Mkoma di na ñola votshe valala vako; dianza dako da txinene di na tsayisa votshe va va ku vengelako.

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

2 Makronika 18:28

Mfumeli wa ka Israyeli ni Josafati mfumeli wa ka Judha, va to kwelela veya Ramoti-Gileyadhi.

2 Makronika 18:7

Sekoko mfumeli wa ka Israyeli a to khene ka Josafati: Ku ngadi ni m'thu mmweyo, awu hi nga mu wotisako ta Mkoma, ani na mnyenya, nguko kha khali ku ni profeta timhaka ta tinene, hahanze ka to biha dwe, i Mikaya, mwana Imila. Se Josafati a to khene: Mfumeli u nga wombawombisi eto.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

1 Vafumeli 16:12

Ngu toneto, Ziniri a to hasamula yotshe nyumba ya ka Bhahasa, madingano ni dipswi da Mkoma ngu kuwomba ka mprofeti Jehu, madingano ngu Bhahasa,

1 Vafumeli 16:7

Ngu kumaha keto, di tile kambe dipswi da Mkoma, ngu ka mprofeti Jehu, mwana Hanani, do wukela Bhahasa ni nyumba yakwe; se totsheto ngu mhaka ya wubihi wule a nga wu maha masoni ka Mkoma, a txi m'henyisa ngu simaho sa manza akwe, nga tile ti nga maheka ka nyumba ya Jerobhowamu; se ngu mhaka yeto, a va pekile.

Dhewuteronome 33:11

Mkoma katekisa mtamo wawe, u amukela mthumo wa manza awe! Phwarasa titsho ta vale va va wukelako va txi va xanisa, kasi ku va si sikoti kukhukha va txi ema.

Dhewuteronome 32:41

Ngako ni txi lota txingwalangwanda txa ditxhari dangu ngako ni txi lamula ngu dianza dangu, ni na phota ka valala vangu, ni txi pharela ka vale va ni nyenyako.

Dhewuteronome 7:10

aniko ene a tshumetela ngu ku va lovisa avale va m'vengako, kha sweli kudihisa, a na va tshumetela.

Dhewuteronome 5:9

khu na mbi si khozela, kambe khu na mbi si thumela, nguko ani, Mkoma, Txizimu txako, ni Txizimu txa txiluse, atxi txi tsayisako vanana ngu mhaka ya sionho sa vaveleki vawe, kala ka liveleko la wuraru ni la wumune ka vale va ni vengako.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Masalmo 71:15

Dotshe ditshiku ni na huwelela ti to u hi hanyisile ni na xawutela mithumo yako ya kululama,

2 Makronika 18:1

Josafati a di ni tithomba ni wudhumo wa hombe ngutu, e maha wuxaka ni Akabe, mfumeli wa Israyeli.

1 Vafumeli 22:44

Hambi keto kha thavisa magandelo; vathu va txi ngadi ve phaxela ni kuhisa kona mabaselo.

2 Makronika 19:1

Se Josafati, mfumeli wa Judha, a to tshumela ngu kuthutha eya nyumbani kwakwe Jerusalema.

2 Makronika 19:10

Vananu ava va zumbako madhoropani kwanu va na mi tisela timhaka ti ti humelela timwayani kwawe,

2 Makronika 26:18

Ve ya wulela ve mtsimba mfumeli Uziya, va txi kha vona: Uziya, mthumo wo hisa dibaselo masoni ka Mkoma hi nga wako, mbwa vaphaxeli, vanana va Aroni, a va hi ku vona va nga sawulwa kuhisa dibaselo, huma dithepeleni muwa! Mhaka yi u yi mahako kha yi na kutsanisa kukatekiswa ngu Mkoma Txizimu.

Amosi 7:14

Amosi a xamula ka Amaziya a txi khene: Ani ni si nga mwanana wa m'profeti, mwendo mprofeti, kambe ni ti m'fuyi wa tihomu, ni mphayi wa mikuwu.