2 Makronika 18:5 - Bhiblia Yo Sawuleka

⁵ Se mfumeli wa ka Israyeli a to sengeleta vaprofeti, 400 wa vavamna a txi wotisa a txi khene: Hi na tsula hi yalwa yimbi ni va Ramoti-Gileyadhi mwendo hi zumba kani? Vona va to kha vona: Tsula, nguko Txizimu txi na va ningela manzani ka mfumeli.

2 Makronika 18:5 Referans Kwoze

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

2 Timoti 4:3

Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Mika 2:11

Ku txo maneka wokari wa zumbelo ya walo, e hemba a txi khene: Ani ni na ku profetela ngu vhinya ni wusuke wa mtamo; eyo a na va mprofeti wa vathu vava.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Jeremiya 42:20

Nguko anu mipune mi ti kanganyisile, mbimo yile mi nga ni ruma ka Mkoma, Txizimu txanu, mi txi: Hi kombelele ka Mkoma, Txizimu txathu, u nata hi gelisa toneto, hi na maha;

Jeremiya 23:17

Va txhumayela va di ka so vavalu ka va va ni kanyisako, va txi kha vona: Mkoma a khene: Mi na zumbiseka kha kwati. Ni ka votshe va tsimbilako ngu kubanga ka timbilu tawe, va txi kha vona: Kha di na mbi ta dikhombo txitimwi kwathu.

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.

2 Makronika 18:14

Mbimo yi Mikaya a nga hoka ka mfumeli, mfumeli a to m'gela ku khene: Mikaya, hi tsula hi yalwa yimbi ni va Ramoti-Gileyadhi mwendo ni leka kani? Se ene a to khene: Tsulani mi yalwa mi na xula, va na ningelwa manzani kwanu.

2 Vafumeli 3:13

Aniko Elixa a to khene ka mfumeli wa ka Israyeli: Njitxani ni ku natxo ani ni nawe kani? Tsula u txi ya wotisa ka vaprofeti va tate wako, ni ka vaprofeti va mwamwako. Joramu, mfumeli wa ka Israyeli, a to khene: Hi nga tona, nguko Mkoma a dhani vafumeli vava vavararu, kasi ku ta va ningela manzani ka Vamowabhi.

1 Vafumeli 18:19

Ngu toneto, gela votshe vathu va ka Israyeli ve tshangana ni nani mmangoni ka Karmeli, kumweko ni 450 wa vaprofeti va Bhahali, ni 400 wa vaprofeti va Aseri, va dyiswako ngu mfumeli wa txisikati Jezabheli.

1 Vafumeli 4:13

Bheni-Gebheri, i ku madhoropa a Ramoti-Gileyadhi; ku ti ti ni mikhokhola ya Jayiri, mwana Manasi, ayi yi manekako kona Gileyadhi; kambe ngu magwito ka Argobhe ku manekako Bhasani, ku ti ti ni mtxhanu wa magumi ni dimwedo a madhoropa a hombe o bhiywa ngu maguma a tisimbi ni koporo.

2 Makronika 18:4

Josafati a to khene ka mfumeli wa ka Israyeli: Na ku kombela wotisa nyamsi dipswi da Mkoma.

2 Makronika 18:6

Kambe Josafati a to khene: Kha ku na mprofeti wa Mkoma kasi ku hi mu wotisa kani?

1 Vafumeli 12:9

A txi khene kwawe: Anu mi ni laya kuva ni va xamulisa kutxani vathu vava, va nga ta ni gela tiya: Hehukisa dikange di tate wako a nga hi khoneka.

Jeremiya 23:16

Mkoma wa Mabutho a Tiyimbi a khene: Mi nga engiseleni timhaka ta vaprofeti vava va profetako kwanu, nguko va mi kanganyisa; va txhumayela siwoniso sa timbilu tawe vapune, na si si humi ngu ka txisofu txa Mkoma.