2 Makronika 18:4 - Bhiblia Yo Sawuleka

⁴ Josafati a to khene ka mfumeli wa ka Israyeli: Na ku kombela wotisa nyamsi dipswi da Mkoma.

2 Makronika 18:4 Referans Kwoze

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

2 Samuwele 5:23

Se Dhavhidha a to wotisa ka Mkoma, se Mkoma e m'gela ku khene: U nga kwelele; aniko va randele ngu msana kwawe, se u naya tshangana navo ngu masoni ka mimora.

2 Samuwele 5:19

Se Dhavhidha a to wotisa ka Mkoma, a txi khene: Ni kwelela ni yalwa ni Vafilista kani? Ina wu na va ningela manzani kwangu kani? Se Mkoma a to khene ka Dhavhidha: Kwelela, nguko kha ditshuri ni na ningela Vafilista manzani kwako.

2 Samuwele 2:1

Se ku to maheka, msana keto, ta ku Dhavhidha e wotisa ka Mkoma, a txi khene: Ina ni kwelela ni ya ka dimwedo da madhoropa a ka Judha kani? Mkoma to m'gela ku khene: Kwelela! Se Dhavhidha a to khene: Ni kwelelela kuya hani kani? Se Mkoma a to khene: Yana Hebroni!

1 Samuwele 23:4

Sekoko Dhavhidha a to wotisa kambe ka Mkoma, se Mkoma a to mxamula, a txi khene: Khukha, relela uya Keyila, nguko ni na ningela Vafilista manzani kwako.

1 Samuwele 23:2

Se Dhavhidha a to wotisa ka Mkoma, a txi khene: Ina ani ni tsula kuya xasela Vafilista vava kani? Se Mkoma a to khene ka Dhavhidha: Tsula u ya xasela Vafilista u lamulela didhoropa da Keyila.

2 Makronika 34:26

Aniko mfumeli wa ka Judha, awu a nga mi ruma ku ta pfa ti to Mkoma a khene txani, mi na m'gela tiya: Mkoma, Txizimu txa ka Israyeli, madingano ni mapswi ale u nga mapfa, a khene:

Ezekhiyele 20:3

Awe mwanana wa m'thu, womba ka madhota a ka Israyeli u txi khawe: Mkoma Txizimu a khene: Anu mi tela ku ta ni wotisa kani? Ni xambanya ngu kuhanya kwangu, anu kha mi na mbi ni wotisa txilo, kuwomba Mkoma Txizimu.

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

2 Makronika 18:3

Akabe, mfumeli wa Israyeli, a to gela Josafati, mfumeli wa Judha, a txi khene: U na tsula ni nani Ramoti-Gileyadhi kani? Se Josafati a to m'gela a txi khene: Ani ni fana ni nawe, ni vathu va mina va na fana ni vako, hi nava ni nawe yimbini.

2 Makronika 18:5

Se mfumeli wa ka Israyeli a to sengeleta vaprofeti, 400 wa vavamna a txi wotisa a txi khene: Hi na tsula hi yalwa yimbi ni va Ramoti-Gileyadhi mwendo hi zumba kani? Vona va to kha vona: Tsula, nguko Txizimu txi na va ningela manzani ka mfumeli.