2 Makronika 18:26 - Bhiblia Yo Sawuleka

²⁶ Mi na womba ku khanu: Mfumeli a khene: Mu wuleteni mkorani mi txi mu xanisa ngu ku mtona sakudya ni mati, kala ni wuya ngu kuthutha.

2 Makronika 18:26 Referans Kwoze

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

Mtuletelo 11:10

Vaaki va ditikonimo va na tsaka ngu toneto, va na giya ve ningana siningo, nguko vaprofeti vava vavambidi va ti ti xanisile vaaki va ditikodo.

2 Vakorinto 11:23

Nzithumi sa Kristu kani? Ni wombisa wuphuphulu, ni txi khani: Ani na va pala ngutu. Na va pala ngu mithumo, ni seketwe sikhati sasingi mikorani, kupinda vona; ni kwapetwe ngutu ngu sisephu kupinda vona, sikhati sasingi ni manekile ni di ha phangoni ka kufa.

Mithumo 22:22

Vona va to ya masoni ngu ku mu engisa kala ka mapswi awa, aniko ngu msana va to gula dipswi, va txi kha vona: “A na fuviswe ha mafuni mamoyo! Kha nga ni fanelo ya kuhanya!”

Mithumo 5:18

ve ñola vapostoli ve va khotela mkorani ka didhoropa dile.

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Matewu 12:24

Aniko Vafarisi, ngako va txi pfa eto, va to kha vona: “Awuwa kha toveli madhimoni i si nga ngu mtamo wa Bhelzebhule, i ku mkoma wa mimoya yo biha.”

Matewu 5:12

Tsakani ta tinene mi txi nengela, nguko nja hombe hakhelo yanu nzumani. Nguko va va xanisisile toneto vaprofeti va va nga mi thangela.”

Isaya 30:20

Mkoma a na mi ninga dipawu da didotho, ni mati amadotho, aniko vale va kurumako, kha va na mbi tutuma kwako, ku nga vo puruma ngu tibhapi; maso ako ma wonetela vagondisi vako.

Mavingu 14:16

Txhari ya thava yi vayilela to biha, aniko txiphukuphuku txa henya txi ti maha txo tsana.

Masalmo 102:9

Kha ni nga ni sakudya, sakudya sangu ngu dikhuma; sa kusela sangu si patana ni mirongo yangu,

Masalmo 80:5

U hi dyisile dipawu da mirongo, u txi hi seta digombe da kutala ngu mirongo.

Masalmo 10:5

Mithumo yakwe ya nyawula txotshe txikhati. Kulamula kwako, Mkoma, ku txitimwi ngutu kwakwe; ene wa poyilela valala vakwe votshe.

2 Makronika 18:15

Se mfumeli a to khene kwakwe: Kulaveka ku ni kugela kuwombawomba ditshuri ngu ditina da Mkoma, kala mbimo muni kani?

1 Samuwele 25:21

Se Dhavhidha a to khene: Ngu ditshuri ni xayisile walo sotshe sile m'thu wuwa a nga ti naso txiwulani, kha kelelelwa ngu txilo ka sotshe si a ku naso, kambe ene a ni tshumetete wubihi ngu wunene.

Dhewuteronome 29:19

Kambe ku nga thuke ku txi maneka m'thu waku, ngako a di engisile mapswi a txixambanyo txiya, a txi ti dhumisa mbiluni kwakwe, a txi khene: “Ni na va ni kudikha, hambi ni txi ti ningetetela ka ta walo, madingano ni kuranda ka mbilu yangu, nguko kutala ka mati ku na thavisa ditora.”

Vahebheru 11:36

Vamwani kambe va timisete ka sixaniso sa kutseketselwa, va kwapetwe ngu txisepu, ve sungwa ngu titxhini, ve khotelwa mkorani.

Jeremiya 37:15

Vanana va mfumeli va to henya ngutu ngu Jeremiya, va txi mpeka, va txi mkhotela nyumbani ka Jonatani mabhalani, nguko va nga ti yi mahile mkora.

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.