2 Makronika 18:24 - Bhiblia Yo Sawuleka

²⁴ Se Mikaya a to khene: U na ti wona ditshiku di u no huma ka nyumba u ya ka nyumba yimwani, kasi ku u txi barama.

2 Makronika 18:24 Referans Kwoze

Jeremiya 29:32

Ngu konaho Mkoma a khene: Ani ni na tsayisa Semaya wa Nehelama ni vanana vakwe; kha na mbi va ni m'thu wo zumba hagari ka vathu vava, kambe kha na mbi wona makatekwa ni no mahela vathu vangu, kuwomba Mkoma, nguko a wombawombile to wukela Mkoma.

Isaya 26:20

Tsulani, koko, anu vathu vangu, wulelani tinyumbani kwanu mi ti sekela matimba, baramani ngu mbimoanyana, kala kuza kuboxa kuhenya.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

1 Vafumeli 20:30

Se avale va nga huluka va to thavela kuya didhoropani ka Afeki; se diguma di towa txitimwi ka 27.000 wa vavamna va va nga ti sate. Bheni-Hadhadhe koko, a to thavela kuya didhoropani, a txi sisala ka nyumba ni nyumba.

2 Makronika 18:23

Sekoko Zedhekiya, mwana Kenahana, a to tshuketa hafuhi ka Mikaya, e mthola mbaza, a txi khene: Moya wa Mkoma wu tsimbilisile kutxani wu pinda kwangu wuta womba-womba kwako kani?

2 Makronika 18:25

Sekoko mfumeli wa ka Israyeli a to khene: Tekani Mikaya mi mu yisa ka Amoni, nduna ya didhoropa, ni ka Jowasi mwana mfumeli.