2 Makronika 18:22 - Bhiblia Yo Sawuleka

²² Konkuwa koko, Mkoma a wuletisile moya wa makuhu ka txisofu txa vaprofeti vako votshe, kambe Mkoma a wombawombile kubiha ngu ngawe.

2 Makronika 18:22 Referans Kwoze

Ezekhiyele 14:9

Se ngako mprofeti a txi xengwa e womba to kari, ani Mkoma ni nga mkujetela eyo mprofeti; ni na nawuluta dianza dangu ni txi mfuvisa hagari ka vathu vangu va Israyeli.

Isaya 19:14

Mkoma a thete moya wa wugeu hagari kwawe, se vona va to rerelisa Egipta, ngu yotshe mithumo yawe, kufana ni didevi di txi tshumelela makosa a dona.

Jobe 12:16

Mtamo ni wutxhari si ka Txizimu; mbwa Txizimu, wule a onhako, ni wule a onhisako.

Mika 2:3

Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.

Jeremiya 18:11

Ngu konaho, gela vavamna va ka Judha ni vazumbi va Jerusalema, u txi khawe: Mkoma a khene: “Na mi longisela dikhombo, ni na maha txikungo txo mi wukela. Ngu konaho, hundulukani mmwani ni mmwani nzilani kwakwe ko biha, mi txhukwatisa mahanyelo anu ni simaho sanu.”

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

2 Makronika 25:18

Kambe Jowasi mfumeli wa ka Israyeli, a rumela dipswi ka Amaziya, mfumeli wa ka Judha, a txi khene: Mndonga wa mipa wa Libhanoni wu to rumela mhaka ka mndonga wa mkedhari wuku Libhanoni, wu txi kha wona: Ningela dihorana dako ka mfana wangu e maha msikati wakwe. Se sihari sa txitinga si nga ti Libhanoni si to pinda si kandetela mpa.

2 Makronika 18:17

Sekoko mfumeli wa ka Israyeli a to gela Josafati a txi khene: Kha na kugela ti to kha na mbi ni profeta ta tinene hahanze ka to biha dwe?

2 Makronika 18:7

Sekoko mfumeli wa ka Israyeli a to khene ka Josafati: Ku ngadi ni m'thu mmweyo, awu hi nga mu wotisako ta Mkoma, ani na mnyenya, nguko kha khali ku ni profeta timhaka ta tinene, hahanze ka to biha dwe, i Mikaya, mwana Imila. Se Josafati a to khene: Mfumeli u nga wombawombisi eto.

Eksodha 4:21

Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

2 Makronika 18:21

Moya wu txi kha wona: Ni na huma ni maha moya wa makuhu ka txisofu txa vaprofeti vakwe votshe. Mkoma a txi khene: Awe u naya mkholwisa u mu xula, tsula u ya maha toneto.