2 Makronika 18:21 - Bhiblia Yo Sawuleka

²¹ Moya wu txi kha wona: Ni na huma ni maha moya wa makuhu ka txisofu txa vaprofeti vakwe votshe. Mkoma a txi khene: Awe u naya mkholwisa u mu xula, tsula u ya maha toneto.

2 Makronika 18:21 Referans Kwoze

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Mtuletelo 20:8

a na huma kasiku e kanganyisa mifumo ya mune wa madhawa a mafu, Goge ni Magoge, e va tshanganisa kasiku ve lwa yimbi; mtengo wawe wu ti dingana ni kutala ka mafu a linene.

Mtuletelo 13:14

Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

1 Johani 4:6

Athu hi va ka Txizimu, awu a zivako Txizimu wa hi engisa. Awu i si nga wa Txizimu kha hi engisi. Ngu toneto, hi wu zivisako tona Moya wa ditshuri, ni moya wa makuhu.

Masalmo 109:17

A randile kuruketela: “Konkuwa siruko si na wuyela ene! A ti si naveleli vamwani makatekwa: Ngu toneto, mathomo ma nave kule ni nene!

Jobe 2:6

Se Mkoma a to khene ka Sathani: Ndiyoyo a manzani kwako; aniko veketa wutomi wakwe.

Jobe 1:12

Se Mkoma a to khene ka Sathani: Wona ti taku, sotshe a ku naso si manzani kwako; wo lamba walo kusanzeka diwoko dako. Se Sathani a to khukha masoni ka Mkoma.

2 Makronika 18:22

Konkuwa koko, Mkoma a wuletisile moya wa makuhu ka txisofu txa vaprofeti vako votshe, kambe Mkoma a wombawombile kubiha ngu ngawe.

2 Makronika 18:19

Se Mkoma a to khene: I mani awu a noya kholwisa Akabhi, mfumeli wa Israyeli, kasi ku a txi tsula ani Ramoti-Gileyadhi? A txi khene kambe: Mmwani a womba tiya, se mmwani a womba tile.

Valamuli 9:23

Txizimu txi to rumela moya wo biha hagari ka Abhimeleki ni ka vathu va Sikemi, se vathu va Sikemi va to wukela Abhimeleki;