2 Makronika 18:19 - Bhiblia Yo Sawuleka

¹⁹ Se Mkoma a to khene: I mani awu a noya kholwisa Akabhi, mfumeli wa Israyeli, kasi ku a txi tsula ani Ramoti-Gileyadhi? A txi khene kambe: Mmwani a womba tiya, se mmwani a womba tile.

2 Makronika 18:19 Referans Kwoze

Ezekhiyele 14:9

Se ngako mprofeti a txi xengwa e womba to kari, ani Mkoma ni nga mkujetela eyo mprofeti; ni na nawuluta dianza dangu ni txi mfuvisa hagari ka vathu vangu va Israyeli.

Isaya 54:16

Wona taku ani ni vangile mtshuli, wule a futetako makala ka mndilo; a mahako matxhari a mthumo wakwe; kambe ni vangile muhoxoti, kasi kukhundumusa.

Mavingu 11:5

Kululama ka m'thu wa ditshuri ku na lulamisa nzila yakwe, aniko awule wo biha a na wiswa ngu wubihi wakwe.

Jobe 12:16

Mtamo ni wutxhari si ka Txizimu; mbwa Txizimu, wule a onhako, ni wule a onhisako.

2 Makronika 25:19

Awe u khawe: Wona, ani ni xute va ka Edhomi, mbilu yako ya ti kukumukisa, ya ti guleta; konkuwa koko zumba m'tini kwako; se u ti wuletelela txani ka phango ya kuloviswa, awe ni va ka Judha kani?

2 Makronika 25:8

Ngako u txo tsula, hambi u txo va ni mtamo, Txizimu txi na kuwisa masoni ka valala vako, nguko Txizimu txi ni mtamo wo vhuna ni wa kuwisa.

1 Vafumeli 22:20

Se Mkoma a to khene: I mani a no xenga Akabe, a txi ya fela didhoropani ka Ramoti-Gileyadhi kani? Se mmweyo a txi wombisa ti, mmwani a txi womba tile.

1 Vafumeli 4:13

Bheni-Gebheri, i ku madhoropa a Ramoti-Gileyadhi; ku ti ti ni mikhokhola ya Jayiri, mwana Manasi, ayi yi manekako kona Gileyadhi; kambe ngu magwito ka Argobhe ku manekako Bhasani, ku ti ti ni mtxhanu wa magumi ni dimwedo a madhoropa a hombe o bhiywa ngu maguma a tisimbi ni koporo.

2 Makronika 18:18

A to khene kambe: Engisani dipswi da Mkoma koko. Ani ni woni Mkoma a di khalahatshile txikhaloni txakwe txa wukoma, ni dotshe dibutho da yimbi ya ni nzumani, di di emile didhawani da txinene ni da txibhabha.

2 Makronika 18:20

Se ku to huma moya wu tikombisa masoni ka Mkoma wu txi khene: Ani na ya mkholwisa. Se Mkoma a txi khene: Ngu nzila muni kani?

2 Makronika 18:21

Moya wu txi kha wona: Ni na huma ni maha moya wa makuhu ka txisofu txa vaprofeti vakwe votshe. Mkoma a txi khene: Awe u naya mkholwisa u mu xula, tsula u ya maha toneto.