2 Makronika 18:13 - Bhiblia Yo Sawuleka

¹³ Sekoko Mikaya a to khene: Ni xambanya ngu Mkoma a hanyako, na womba totshe tile Txizimu txangu txi no ni ruma kuwomba tona.

2 Makronika 18:13 Referans Kwoze

Mitengo 22:35

Se Ngelozi ya Mkoma yi to kha yona ka Bhalahamu: “Tsula navo vathu vava, aniko i nda ya womba ati ani ni no kugela dwe. Se Bhalahamu a to tsula ni mthangeli wa Bhalake.”

Mitengo 24:13

Hambi i diku Bhalake o ni ninga nyumba yakwe yi di tate ngu silivhela ni nzalama, kha ni na kuhambunyeta Mlayo wa Mkoma, ni ti mahela mbiluni kwangu ta tinene mwendo to biha; ati Mkoma a no ni gela, ngu tona eto ni no womba tona.

1 Vatesalonika 2:4

Aniko ngako Txizimu txi nga hi wona hi di ni fanelo ya kuningwa mthumo wa Evhangeli, ngu toneto hi yi txhumayelisako tona. Hi nga to lava kutsakisa vathu, aniko ndo tsakisa Txizimu, atxi txi xolako timbilu tathu.

Vagalatiya 1:10

Ina no lava kudhumiswa ngu m'thu kani, mwendo kudhumiswa ngu Txizimu, kani? Mwendo no lava kutsakisa vathu kani? Idiku ni ngadi ni txi dhunda kutsakisa vathu, nga ni si fanekelwi ngu kuthumela Kristu.

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

1 Vakorinto 11:23

Kha ditshuri ni ti amukete ka Mkoma timhaka ti ni nga tshumela ni txi mi ninga nanu, ti taku: Mkoma Jesu, ka wusiku wu a nga ningelwa ngu wona, a tekile dipawu;

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Ezekhiyele 2:7

Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta.

Jeremiya 42:4

Se mprofeti Jeremiya a to khene kwakwe: Ni mi engisile; ni na mi kombelela ka Mkoma, Txizimu txanu, ngako mi ti lavisako toneto. Ni tihi ti Mkoma a no mi xamula ni na mi gela; na mbi mi sisela txilo.

Jeremiya 23:28

Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.

Mitengo 23:26

Kambe Bhalahamu a to xamula a txi khene ka Bhalake: “Ina kha na kugela ku totshe ti Mkoma a no womba, ani ni na ti maha kani?”

Mitengo 23:12

Se ene la to xamula a txi khene: “U pimisa ti to ani kha ni nga ni fanelo yo womba ti Mkoma a vekako ha txisofu kwangu kani?”

2 Makronika 18:12

Se mtumi wu wu nga ya dhana Mikaya, wu to kha wona kwakwe: Wona taku mapswi ale ma nga wombwa ngu diganda dimwedo ngu vaprofeti, manene ka mfumeli; na nawe koko, womba dipswi do fana ni mapswi awe, u womba ta tinene.

2 Makronika 18:14

Mbimo yi Mikaya a nga hoka ka mfumeli, mfumeli a to m'gela ku khene: Mikaya, hi tsula hi yalwa yimbi ni va Ramoti-Gileyadhi mwendo ni leka kani? Se ene a to khene: Tsulani mi yalwa mi na xula, va na ningelwa manzani kwanu.