2 Makronika 17:9 - Bhiblia Yo Sawuleka

⁹ Ve rendeleka madhoropa otshe a va ka Judha, va txi gondisa vathu ani ditikoni da Judha va di ni dibhuku da Mlayo wa Mkoma.

2 Makronika 17:9 Referans Kwoze

Johani 5:46

Idiku mi ti ko kholwa ka Mosi, nga mi ndi na kholwa ni kwangu, nguko ene a bhate ngu timhaka tangu.

Varoma 3:2

Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Mithumo 15:21

Nguko kukhukhela ka timbimo ta kale, Mosi ana ni vagondisi ka otshe madhoropa, ava va gondako dibhuku da Milayo yakwe masinagogani, otshe masiku a Sabbata.”

Mithumo 13:15

Msana ka kugondwa dibhuku da Mlayo ni Vaprofeti, vathangeli va disinagoga, va to rumela dipswi, va txi kha vona: “Vanathu, ngako mi di ni dipswi do laya vathu, mi ngadi womba.”

Mithumo 8:40

Kambe Filipi a to maneka a di Azoto; se e tsimbila e gondisa Evhangeli ka otshe madhoropa, kala eya hoka Khezareya.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Matewu 11:1

Ngako Jesu a di gwitile kuleletela timhaka tiya ka vagondiswa vakwe va digumi ni vambidi, a to khukha konaho e tsula a txi ya gondisa ni kutxhumayela mitini ka ditiko dawe.

Matewu 10:23

Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Nehemiya 8:7

Se Jesuwa, ni Bhani, ni Serebhiya, ni Jamini, ni Akubhe, ni Sabhetayi, ni Hodhiya, ni Mahaseya, ni Kelita, ni Azariya, ni Jozabhadhi, ni Hanani, ni Pelaya, ni Valevhi va to gondisa Mlayo ka vathu, na vathu va di ha makhaloni kwawe.

2 Makronika 35:3

A to gela Valevhi vava ti ningetako ka Mkoma avale va nga basiswa, va nga ti ni mthumo wo gondisa votshe va ka Israyeli, a txi khene: Wuletisani dibhokiso do sawuleka ka nyumba yi yi nga akwa ngu Solomoni, mwana Dhavhidha, mfumeli wa Israyeli; kha mi na mbi va ni mrwalo wuwa makatani kwanu. Konkuwa thumelani Mkoma, Txizimu txanu, ni vathu va txona va ka Israyeli.

2 Makronika 15:3

Ka mbimo yo lapha va ka Israyeli va hanyile va si na Txizimu txa ditshuri, ni vaphaxeli vo va gondisa ni mlayo.

2 Makronika 19:8

Se Josafati a to veka kambe Valevhi vokari, ni vaphaxeli, ni vathangeli va vatate va ka Israyeli, e va veka ka mthumo wo lamula timhaka ta Mkoma ni ta vathu, kona Jerusalema.

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.