2 Makronika 17:8 - Bhiblia Yo Sawuleka

⁸ Va txi seketelana ni Valevhi Semaya, ni Netaniya, ni Zebhadhiya, ni Asayeli, ni Semiromoti, ni Jonatani, ni Adhoniya, ni Tobhiya, ni Tobhe-Adhoniya; kumweko ni vaphaxeli Elisama ni Jeyoramu.

2 Makronika 17:8 Referans Kwoze

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

2 Makronika 19:8

Se Josafati a to veka kambe Valevhi vokari, ni vaphaxeli, ni vathangeli va vatate va ka Israyeli, e va veka ka mthumo wo lamula timhaka ta Mkoma ni ta vathu, kona Jerusalema.

2 Makronika 35:3

A to gela Valevhi vava ti ningetako ka Mkoma avale va nga basiswa, va nga ti ni mthumo wo gondisa votshe va ka Israyeli, a txi khene: Wuletisani dibhokiso do sawuleka ka nyumba yi yi nga akwa ngu Solomoni, mwana Dhavhidha, mfumeli wa Israyeli; kha mi na mbi va ni mrwalo wuwa makatani kwanu. Konkuwa thumelani Mkoma, Txizimu txanu, ni vathu va txona va ka Israyeli.