2 Makronika 17:5 - Bhiblia Yo Sawuleka

⁵ Mkoma a to tsanisa wukoma mawokoni kwakwe, votshe va ka Judha va to ta luva Josafati; a to mana thomba yayingi ngutu ni wudhumo wa hombe ngutu.

2 Makronika 17:5 Referans Kwoze

2 Makronika 18:1

Josafati a di ni tithomba ni wudhumo wa hombe ngutu, e maha wuxaka ni Akabe, mfumeli wa Israyeli.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Masalmo 127:1

Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

Jobe 42:12

Mkoma a to katekisa Jobe ka masiku akwe a maphya, kupinda o khata; nguko a vile ni 14.000 wa tinvuta, ni 6.000 wa makamelu, ni 1.000 wa mipatwa ya tihomu, ni 1.000 wa timbongola.

2 Makronika 32:23

Vathu vavangi va to tisa simaha Jerusalema, ku ta ninga Mkoma, ni simaha sa lisima ngutu ve ta ninga Ezekhiya, mfumeli wa va ka Judha, kukhukhela koneho a to guleka masoni ka matiko otshe.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Masalmo 68:29

Dithepele dako di maneka Jerusalema; vafumeli va tsula koneyo va txi ya ku mahela siningo.

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

Masalmo 76:11

Mahani sithembiso ka Mkoma, Txizimu txanu, aniko txi ningeni asi mi nga txi thembisa. Otshe matiko a hafuhi ma na wuyise miningelo me ta luva Txizimu txi fanelako kuxoniphwa!

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

2 Makronika 9:27

Mfumeli a to maha ti to Jerusalema kumaneka silivhela yo tala ku nga marigwi ni mikedhari o tala ngutu nga miphayi ya txitinga yi manekako mapuloni.

2 Makronika 1:15

Se mfumeli a to maha tito, Jerusalema kumaneka silivhela ni nzalama, si txi nga marigwi, ni mikedhari yo tala ngutu yi txi nga miphayi yo mila mapuloni.

1 Vafumeli 10:27

Se mfumeli a to maha ti to Jerusalema kumaneka silivhela ku nga marigwi ni mikedhari o tala ngutu, nga miphayi ya txitinga yi manekako tibalani.

1 Vafumeli 10:25

Se mmweyo ni mmweyo a txi ta mninga siya sa silivhela ni siya sa nzalama, ni syambalo, ni matxhari, ni sithimbelo so bhumula ni mahantxhi ni mamula; tximwetxo ni tximwetxo ngu dilembe ni dilembe.

1 Vafumeli 4:21

Solomoni a ti ti khozisa yotshe mifumo kukhukhela mnamboni ka Ewufrate, kala ditikoni ka Vafilista, kala magwito ka Egipta; va ti mluva ni ku mthumela ka otshe masiku a kuhanya kwakwe.

Genesisi 13:2

Abramu a ti ni sifuyo ngutu, ni silivhela ni nzalama.

Mavingu 16:12

Njinyenyeko ka vafumeli kumaha wubihi, nguko txikhalo txa wukoma txi tsaniswa ngu wululamo.