2 Makronika 17:4 - Bhiblia Yo Sawuleka

⁴ A to lava Txizimu txa tate wakwe e tsimbila ka sirumo sa txona, asi londeti mikhuwo ya vathu va ka Israyeli.

2 Makronika 17:4 Referans Kwoze

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

1 Vatesalonika 4:1

Ngu kugwitisa, vanathu, athu hi mi kombela ni ku mi laya ngu ka Mkoma Jesu. Anu mi gondile kwathu ati mi fanelako kuhanyisa tona, kasiku mi txi tsakisa Txizimu. Se, ngu toneto mi fanelako kuhanyisa tona, simamisani mi anda ka toneto.

1 Vatesalonika 2:12

Ngu toneto, nanathu hi nga ti mi gondisa tona, ni ku mi tsanisa, ni kukhongotela mmweyo ni mmweyo wanu, kasiku mi tsimbila ngu fanelo masoni ka Txizimu, atxi txi nga mi dhanela ka mfumo wa txona ni kupfaliswa ka txona.

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

2 Vafumeli 17:19

Hambi Judha kha vekisa milayo ya Mkoma, Txizimu txakwe; aniko a to tsimbila ngu sileleto sile si nga mahwa ngu Israyeli.

2 Vafumeli 8:18

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe, nguko msikati wakwe i ti ti mwanana wa Akabe wa dihorana, a to maha wubihi masoni ka Mkoma.

1 Vafumeli 12:33

Se a to maha miningelo ka txiluvelo txi a nga txi aka Bheteli, ngu ditshiku da digumi ni mtxhanu, ka mtxima wa wutxhanu ni yiraru, ka dilembe dile a nga ti di pimisile mbiluni kwakwe, se a to mahela m'buso vanana va ka Israyeli, ni miningelo txiluveloni, a txi hisa dibaselo.

1 Vafumeli 12:30

Se tximaho txiya txi mahile txionho, nguko vathu va txi tsula kala Dhani, mmweyo ni mmweyo a txi khozela.

2 Makronika 17:3

Mkoma a di ni Josafati, nguko a ti ti tsimbila ngu tinzila ta tate wakwe Dhavhidha, a kha khozela va ka bhahali.

2 Makronika 21:12

Sekoko mprofeti Eliya a to bhalela Jehoramu, a txi khene: Mkoma, Txizimu txa tate wako Dhavhidha a khene: U lekile kutsimbila ngu tinzila ta Josafati tate wako ni ta Asa mfumeli wa Judha,

2 Makronika 22:9

Msana keto, a to lava Akaziya eya mñola (Samariya nguko a ti ti baramile kona), ve mu yisa ka Jewu, e ta dawa, e tshotshwa, nguko va ti kha vona: Mwanana wa Josafati, awule a nga lava Mkoma ngu mbilu yakwe yotshe. Se ka nyumba ya Akaziya ku si na m'thu wo a nga fuma.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

1 Vafumeli 9:4

Se ngako awe u txi tsimbila masoni kwangu ku nga ti a nga tsimbilisa tona tate wako Dhavhidha, ngu mbilu yotshe ni kutsana, kasi u maha totshe ti ni nga kuruma, ni kuveketa sileleto sangu ni kulamula kwangu,

2 Makronika 14:6

Se a to aka madhoropa o tsana ditikoni ka Judha, nguko ditiko di ti ti thuthile, ku si na tiyimbi ka malembe ale, nguko Mkoma amu ningile kuhumula.

2 Makronika 27:6

Sekoko, wukoma wa Jothamu wu to tsana, nguko a tsimbite ngu tinzila ta Mkoma Txizimu txakwe.

2 Makronika 29:2

A to maha to lulama masoni ka Mkoma, nga tile a nga mahisa tona tate wakwe Dhavhidha.

2 Makronika 34:2

Se a to maha ta tinene masoni ka Mkoma, a to tsimbila ngu nzila ya Dhavhidha tate wakwe, kha ngaza e khukha ka yona eya txinene mwendo txibhabha.