2 Makronika 17:3 - Bhiblia Yo Sawuleka

³ Mkoma a di ni Josafati, nguko a ti ti tsimbila ngu tinzila ta tate wakwe Dhavhidha, a kha khozela va ka bhahali.

2 Makronika 17:3 Referans Kwoze

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

2 Vafumeli 22:2

Se a to maha ta tinene masoni ka Mkoma; kambe a to tsimbila ngu totshe tinzila ta tate wakwe Dhavhidha, kha ngaza e khukha ka tona, eya txinene mwendo txibhabha.

2 Timoti 4:22

Mkoma a nave ni moya wako! Kateko yi nave ni nanu motshenu!

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

1 Makronika 22:18

Ina Mkoma Txizimu txanu kha nga ni nanu, niku kha mi ninga kuhumula ka otshe madhawa kani? Nguko a ningete manzani kwangu vazumbi va ditiko; se ditiko di hahatshi ka Mkoma ni ka vathu vakwe.

2 Samuwele 5:10

Se Dhavhidha a to ya masoni ngu kuengetekelana ni kukula, nguko Mkoma Txizimu txa Mabutho a Tiyimbi a ti ti kumweko nayo.

Valamuli 6:12

Ngelozi ya Mkoma yi to ta ti wonekisa kwakwe, yi txi kha yona: Mkoma ana ni nawe wamwamna wa ndena!”

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Matewu 18:20

Ina, nguko ahawa va nga tshangana vambidi mwendo vararu, ngu ditina dangu, ani ni ho hagari kwawe.”

Jeremiya 2:23

U nga wombisa kutxani ku khawe, kha na nyenyeziswa, kha na londisela Bhahali kani? Hi nga wona nzila yako mreleloni, alakanya ti u nga maha; awe u dikameli da mazambo di tutumelako hale ni hale.

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Vafumeli 18:3

A to maha to lulama masoni ka Mkoma, nga tile a nga mahisa tona tate wakwe Dhavhidha.

1 Vafumeli 11:6

Ngu toneto, Solomoni a to maha kubiha kuwonani ka Mkoma, se kha ti vekisela kulondeta Mkoma, nga tate wakwe Dhavhidha.

2 Samuwele 8:15

Dhavhidha koko, a to fuma dotshe ditiko da Israyeli; e lamula ngu kululama ka votshe vathu vakwe.

Eksodha 4:12

Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

2 Vafumeli 16:2

Akazi a ti ti ni tanga ya magumi mambidi a malembe, a to fumela Jerusalema digumi da malembe ni mtxhanu ni dimwedo, aniko kha maha to lulama masoni ka Mkoma, Txizimu txakwe, nga tate wakwe Dhavhidha.

Valamuli 8:33

Se ku to maheka taku, msana ka kufa ka Gidhiyoni, vanana va ka Israyeli va to tshumela va txi ti nyenyezisa ngu kulondetela va ka Bhahali, ve teka Bhahali-Bheriti va txi mmaha txizimu txawe.

Valamuli 2:18

Se mbimo yile Mkoma a nga ti ti va wusela valamuli, Mkoma a ti ti ema ni mlamuli, a txi va hulukisa manzani ka valala vawe, ka otshe masiku a mlamuliyo; nguko Mkoma a ti ti ti laya ngu tihuwa tawe, ngu mhaka ya vale va nga ti ti va xupha, ni ku va xanisa.

Valamuli 2:11

Sekoko, vanana va ka Israyeli va to maha kubiha masoni ka Mkoma; se va to thumela va ka Bhahali.

2 Vafumeli 14:3

Amaziya a mahile to lulama masoni ka Mkoma, hambiko a nga mbi fana ni tate wakwe Dhavhidha; a to maha nga tile a nga mahisa tona tate wakwe Jowasi.

1 Vafumeli 22:43

Se a to tsimbila ngu totshe tinzila ta tate wakwe Asa, kha hambuka ka tona, a to maha ta tinene, masoni ka Mkoma.

2 Makronika 17:2

A to veka vathu va yimbi ka madhoropa otshe a hombe a Judha, ni va woneleti va ditiko da Judha, ni ka madhoropa a Efrayime awa Asa tate wakwe a nga ti ti matekile.

2 Makronika 17:4

A to lava Txizimu txa tate wakwe e tsimbila ka sirumo sa txona, asi londeti mikhuwo ya vathu va ka Israyeli.

2 Makronika 21:12

Sekoko mprofeti Eliya a to bhalela Jehoramu, a txi khene: Mkoma, Txizimu txa tate wako Dhavhidha a khene: U lekile kutsimbila ngu tinzila ta Josafati tate wako ni ta Asa mfumeli wa Judha,

1 Samuwele 18:5

Se Dhavhidha a ti ti huma eya kotshe amu Sawule a nga ti ti mruma kona, na a txi tsimbila ngu kululama; aniko Sawule a to m'veka kuva mthangeli wa vathu va yimbi, kambe a ti ti tsakelwa ngu votshe vathu, hambi ngu sithumi sa Sawule.

1 Samuwele 18:12

Sawule a ti thava Dhavhidha, nguko Mkoma a ti ni nene kambe a ti khukhile ka Sawule.

1 Samuwele 18:14

Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

2 Makronika 20:32

A to tsimbila ngu tinzila ta tate wakwe Asa, asi phawuki ka tona, a to maha tile i ngadi ta tinene masoni ka Mkoma.

2 Makronika 22:9

Msana keto, a to lava Akaziya eya mñola (Samariya nguko a ti ti baramile kona), ve mu yisa ka Jewu, e ta dawa, e tshotshwa, nguko va ti kha vona: Mwanana wa Josafati, awule a nga lava Mkoma ngu mbilu yakwe yotshe. Se ka nyumba ya Akaziya ku si na m'thu wo a nga fuma.

2 Makronika 27:6

Sekoko, wukoma wa Jothamu wu to tsana, nguko a tsimbite ngu tinzila ta Mkoma Txizimu txakwe.

2 Makronika 29:2

A to maha to lulama masoni ka Mkoma, nga tile a nga mahisa tona tate wakwe Dhavhidha.

2 Makronika 34:2

Se a to maha ta tinene masoni ka Mkoma, a to tsimbila ngu nzila ya Dhavhidha tate wakwe, kha ngaza e khukha ka yona eya txinene mwendo txibhabha.

Matewu 25:16

Awule a nga amukela mtxhanu wa titalenta, a to bhindula ngu tona, e mana timwani ta mtxhanu.