2 Makronika 17:11 - Bhiblia Yo Sawuleka

¹¹ Vamwani Vafilista va ti ti luva Josafati ngu male ya resa; Hambi Marhabi ma to mluva ngu sifuyo sa sidotho i ku siya: 7.700 wa tihamba ni 7.700 wa vamabhongwe.

2 Makronika 17:11 Referans Kwoze

2 Makronika 26:8

Va ka Amoni va to mu tisela simaha sokari va ta muha, se wudhumo wakwe u hangalaka kala mihinganoni ka Egipta, nguko i ti ti m'thu wa mtamo ngutu.

2 Makronika 9:14

Hahanze ka si si nga wiyiswa ngu vanyamabhindu ni vaxavisi, ni ya votshe vafumeli va Arabhiya, ni vathangeli ta ditiko da kona va ti tisa nzalama ni silivhela ka Solomoni.

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

2 Makronika 17:5

Mkoma a to tsanisa wukoma mawokoni kwakwe, votshe va ka Judha va to ta luva Josafati; a to mana thomba yayingi ngutu ni wudhumo wa hombe ngutu.

2 Vafumeli 3:4

Sekoko Mesa, mfumeli wa Vamowabhi, i ti ti muhodhi wa sifuyo, a to dihela ka mfumeli wa Israyeli 100.000 wa sihambana, ni 100.000 wa tihamba, e ningela ni matoya a kona.

2 Makronika 17:12

Josafati a to ya masoni ngu kukula e aka mikhokhola ya hombe ni madhoropa a tithomba kona Judha.

2 Makronika 21:16

Mkoma a to maha ti to Vafilista ni Vaarabhi, va va hanyako hafuhi ni Vaetiyopiya, ve wukela Jehoramu.

Isaya 13:20

Kha ku na mbi ngadi ku txi akwa kambe, hambi kuwusetwa ngu liveleko ni liveleko; hambi Muharabhi kha na mbi gwimba ditenda dakwe kona, hambi vadyisi kha va na mbi dyisa sifuyo sawe kona.

1 Vafumeli 5:1

Hiramu, mfumeli wa Tiro, a to rumela sithumi sakwe ka Solomoni (nguko a nga pfa taku Solomoni a totilwe wukoma wukhaloni ka tate wakwe), nguko Hiramu a ti dhunda Dhavhidha.

2 Makronika 9:24

Se mmweyo ni mmweyo a txi ta mninga siya sa silivhela ni siya sa nzalama, syambalo, ni matxhari, ni makha, ni mahantxhi, ni mamula; tximwetxo ni tximwetxo ngu dilembe ni dilembe.

Ezekhiyele 27:21

Arabhiya ni otshe madhota a Kedhari, i ti ti vona manza a wuxavisi wako, ngu tinvuta, ni tihamba, ni vamabhongwe; ka soneso va ti ti xaviselana ni nawe.