2 Makronika 16:9 - Bhiblia Yo Sawuleka

⁹ Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

2 Makronika 16:9 Referans Kwoze

1 Pedro 3:12

Nguko, maso a Txizimu ma woneleta va vo lulama, ni tinzeve ta txona tiengisa mikombelo yawe; aniko, khohe ya Mkoma yi thuvikela ava va mahako to biha.

Mavingu 15:3

Maso a Mkoma ma wona ka otshe makhalo, ma wonetela vabihi ni vavanene.

Jeremiya 16:17

Nguko maso angu ma ti wonetela tinzilani kwawe kotshe; kha va sisala masoni kwangu, ni si onho sawe kha si sisaleki masoni kwangu.

Mavingu 5:21

Nguko tinzila ta m'thu ti wonwa ngu maso a Mkoma, kambe ene wa xaxameta totshe tinzila ta m'thu.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Jobe 34:21

Nguko maso a Txizimu ma wonetela dihanyo da m'thu ni m'thu, kambe txa wona kotshe mu hi kandako kona.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

2 Makronika 6:20

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhwlo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

Masalmo 113:6

Txi di kona txitimwiyo txona txa nama kasi kuwona si si ku nzumani ni si si ku hahatshi ha mafuni.

Masalmo 37:37

Wona m'thu wo thaviseka, wonisisa m'thu wo lulama; m'thu wo dikha a na va ni vatukulu.

Vagalatiya 3:1

Oh! Vagalatiya, maphuphulunu, i mani a nga mi xenga, anu vava Jesu Kristu a nga txhumayelwa masoni kwanu, nga mi to mu wona a txi gogotelwa ha txihambanoni, kani?

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

1 Makronika 21:8

Sekoko Dhavhidha a to khene ka Txizimu: Ni onhile ngutu ngu kumaha tiya; kambe konkuwa, ni kombela ku u thavisa kuonha ka txithumi txako, nguko ni mahile wuphukuphuku wa hombe ngutu.

2 Vafumeli 20:3

Awe Mkoma! Alakanya taku ni tsimbite ditshurini, ngu mbilu yo thembeka, ni mahile to lulama masoni kwako, se a to dila ngutu Ezekhiya.

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

1 Vafumeli 15:32

Ku to maneka kulwa hagari ka Asa ni Bhahasa, mfumeli wa Israyeli, ka otshe masiku awe.

1 Vakorinto 15:36

Txiphukuphuku we! Atxi u phayako, kha txi mili, ngako txi sa thanga ngu kufa.

2 Makronika 15:17

Makhalo o guleka kha ma thaviswa ditikoni da Israyeli, Asa a to va wo lulama ka masiku akwe otshe.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

2 Samuwele 24:10

Se msana kova va di batwe vathu, mbilu ya Dhavhidha yi to panda, kambe Dhavhidha a to khene ka Mkoma: Ni onhile ngutu ngu ti ni nga maha, kambe konkuwa, awe Mkoma, ni kombela ku u thavisa kuonha ka txithumi txako, nguko ni mahile wuphukuphuku wa hombe.

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

Jobe 31:4

Ina Txizimu kha txi ti woni tinzila tangu, niku ina kha txi baleli mazambo angu kani?

Masalmo 33:15

Ngene a nga wumba timbilu tawe; wa ti wona totshe ti va ti mahako.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Genesisi 31:28

Kambe khwa ni leka ni txi pswopswa vanana vangu ni vatukulu vangu. Ngu ditshuri, ati u nga ti maha nda wuphukuphuku!

2 Makronika 15:19

Kha ka maneka yimbi kala ka malembe a magumi mararu ni mtxhanu a kufuma ka Asa.

2 Makronika 19:9

Atxi va ninga mthetho, a txi khene: Sekoko mahani eto ngu kuthava Mkoma ni ngu kuthembeka ni wumbilu.

Ezra 5:5

Ngako maso a Txizimu ma nga ti ti txitimwi ka madhota a Vajudha, kha va nga va tsimba, kala kuza mhaka yi hoka ka Dhariyo, sekoko mhakeyo va to xamula ngu dipasi.

Jobe 28:24

Nguko txona txa wona magwito ka mafu; kambe txa wona sotshe si si kuho hahatshi ka nzuma.

Masalmo 33:14

Mkoma wa va wona votshe vathu va hanyako ha mafuni.

Masalmo 33:18

Mkoma ngene a xayisako ava va mthavako, avale va thembako wunene wakwe,

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.