2 Makronika 16:7 - Bhiblia Yo Sawuleka

⁷ Ngu mbimo yoneyo Hanani m'huti a to ta ka Asa mfumeli wa va ka Judha e ta womba a txi khene: U themba mfumeli wa Siriya, khu thembi Mkoma Txizimu txako, ngu toneto mabutho a mfumeli wa Siriya ma hulukile mawokoni kwako.

2 Makronika 16:7 Referans Kwoze

2 Makronika 19:2

Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

1 Vafumeli 16:1

Sekoko di tile dipswi da Mkoma ka Jehu, mwana Hanani, do wukela Bhahasa, di txi kha dona:

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

2 Makronika 20:34

Wungi wa mithumo ya Josafati yo khata ni yo hetelela, yi bhatwe amu ka dibhuku da matimu a Jewu, mwana Hanani, awa a nga ma wuletisa ka dibhuku da matimu a vafumeli va Israyeli.

2 Makronika 13:18

Se va ka Israyeli va khozisilwe, vanana va ka Judha ve xula nguko va thembile Mkoma Txizimu txa vatate vawe.

1 Makronika 5:20

Se va to vhunetelwa ku va lwisa, se va ka Hagari, kumweko ni votshe va va nga ti ti navo, va to ningelwa manzani kwawe; nguko va dite ka Txizimu mbimo yile va nga ti ti lwa, se Txizimu txi va engisa, nguko va ti ni kuthemba ka txona.

2 Vafumeli 18:5

A to themba ka Mkoma Txizimu txa ka Israyeli ahale koza, msana kwakwe, ku si maneki mmwani wo nga ene ka votshe vafumeli va ka Judha, hambi ka vale vo khata.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

1 Vafumeli 15:19

Txitumelelano txi hagari kwangu ni nawe, hagari ka tate wangu ni tate wako; wona ti to na rumela txiningo kwako, silivhela ni nzalama. Tsula uya txhatxha txitumelelano txako ni Bhahasa, mfumeli wa Israyeli, kasiku e khukha kwangu.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

2 Makronika 16:6

Sekoko mfumeli Asa a to ruma kunuwela kotshe Judha ati to votshe ku si sali ni wammweyo, ve tsula Rama kuya teka marigwi ni mapulango ale a nga txi aka ngu ona Bhahasa; se mfumeli Asa a akile ngu ona Gebha ni Misipa.

2 Makronika 24:24

Hambi ku va Siriya va ngata ni dibutho da vathu vavadotho, Mkoma a to ningela manzani kwawe, dibutho da vathu vavangi, nguko va lekile Mkoma Txizimu txa vatate vawe. Jowasi a to pekwa ngu Txizimu ngu diwoko da Vasiriya.

Isaya 39:3

Sekoko mprofeti Isaya, a tile ka mfumeli Ezekhiya, a txi ta khene: Vavamna vale va ti kha vona txani, niku va khukhela hani va txi ta kwako kani? Se Ezekhiya a to khene: Va tile ngu ka ditiko da kule ngutu, i ku Bhabhilona.

1 Vafumeli 16:7

Ngu kumaha keto, di tile kambe dipswi da Mkoma, ngu ka mprofeti Jehu, mwana Hanani, do wukela Bhahasa ni nyumba yakwe; se totsheto ngu mhaka ya wubihi wule a nga wu maha masoni ka Mkoma, a txi m'henyisa ngu simaho sa manza akwe, nga tile ti nga maheka ka nyumba ya Jerobhowamu; se ngu mhaka yeto, a va pekile.

2 Makronika 20:32

A to tsimbila ngu tinzila ta tate wakwe Asa, asi phawuki ka tona, a to maha tile i ngadi ta tinene masoni ka Mkoma.