2 Makronika 16:4 - Bhiblia Yo Sawuleka

⁴ Se Bheni-Hadhadhe a pfisisile dipswi da mfumeli Asa, e rumela vathangeli va yimbi ku yalwa ni madhoropa a Israyeli; a to lwisa Ijomi ni Dhani, ni Abhele-Mayimi, ni otshe madhoropa o xayisela ka ona thomba ya va ka Naftali.

2 Makronika 16:4 Referans Kwoze

2 Makronika 17:12

Josafati a to ya masoni ngu kukula e aka mikhokhola ya hombe ni madhoropa a tithomba kona Judha.

2 Makronika 8:6

ni Bahalate, ni otshe madhoropa o xayisela ka ona thomba yi Solomoni a ngadi nayo, madhoropa o veka sikotxikani, madhoropa a vagadhi va mahantxhi, ni sotshe sile Solomoni a nga xuva ku si aka Jerusalema, ni Libhanoni, ni ka dotshe ditiko di a nga txi fumela.

1 Vafumeli 15:20

Se Bheni-Hadhadhe a to pfisisa mfumeli Asa, se e rumela vathangeli va yimbi avale a nga ti navo kuya ya wisa didhoropa da Israyeli, kambe va to ya xasela Ijomi, ni Dhani, ni Abhele-Bheti-Mahaka, ni dotshe didhoropa da Kinerete, ni dotshe ditiko da Naftali.

1 Vafumeli 9:19

ni otshe madhoropa ma nga ti xomisilwe, ale a nga ti nawo Solomoni, ni madhoropa a mahantxhi, ni madhoropa a vagadhi va mahantxhi, ni sotshe sile Solomoni a nga xuva ku si aka Jerusalema, ni Libhanoni, ni ka dotshe ditiko di a nga ti di fumela.

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Genesisi 14:14

Mbimo yile a nga ziva ti to Loti, mwanana wa mnanda wakwe a ñotwe, a to tshanganisa 318 wa tindena, ka va a nga ti zumba navo, e va londeta kala Dhani.

2 Pedro 2:15

Va lekile nzila yo lulama, ve londetela nzila ya Bhalahamu, mwanana wa Bheyori, awu a nga tumela kuxengwa ngu dihelo yo mbi lulama,

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

2 Makronika 16:3

Txitumelelano txi hagari kwangu ni nawe, hagari ka tate wangu ni tate wako; wona ti to na rumela txiningo kwako, silivhela ni nzalama; tsula u ya vhilinganyisa txitumelelano txako ni Bhahasa, mfumeli wa va ka Israyeli kasi ku e khukha kwangu.

2 Makronika 16:5

Se ku to maneka to a di ti pfite Bhahasa, a to leka kuaka Rama, e emisa mthumo wakwe wo aka.

Isaya 9:1

Aniko ditiko di di nga xomulwa kha di na mbi va ni txidema. Ngu timbimo to khata, Mkoma a vekile hahatshi ditiko da Zebhuloni, ni ditiko da Naftali; aniko ngu magwito a na guleta ditiko da Galileya ka vamatiko, di ku hafuhi ni nzila ya linene, mtxhatuko ka Jordhani.

2 Vafumeli 16:9

Se mfumeli wa Asiriya a to mu engisa; sekoko mfumeli wa Asiriya a to lwisa didhoropa da Dhamasku e di teka, vathu va kona a to va tsulisa Kiri, se a to daya Rezini.