2 Makronika 16:2 - Bhiblia Yo Sawuleka

² Sekoko, Asa a to thavisa yotshe silivhela ni nzalama yi nga ti sate ka tithomba ta Nyumbani ka Mkoma, ni mu ka tithomba ta nyumbani ka mfumeli, e si rumela ka Bheni-Hadhadhe, mfumeli wa Siriya, a nga txi zumba Dhamasku, a txi khene:

2 Makronika 16:2 Referans Kwoze

2 Makronika 28:21

Nguko a to teka sa Nyumba ya Mkoma ni sa nyumba ya mfumeli, ni sa vathangeli, e siningela ka mfumeli wa Asiriya, hambi keto kha ta m'vhuna txilo.

2 Vafumeli 18:15

Ngu kumaha keto, Ezekhiya a to ningela yotshe silivhela yi yi nga maneka Nyumbani ka Mkoma, ni sisangalani ka nyumba ya mfumeli.

2 Vafumeli 16:8

Se Akazi a to teka silivhela ni nzalama, si nga txi maneka Nyumbani ka Mkoma, ni sisangalani ka nyumba ya mfumeli, e rumela kota txiningo ka mfumeli wa Asiriya.

2 Vafumeli 12:18

Sekoko Jowasi mfumeli wa ka Judha, a to honyola sotshe siya so sawuleka, asile Josafati, ni Jehoramu, ni Akaziya, i ku vatate vakwe, kambe mba fumeli va ka Judha, va nga ti si sawulekisile, ni yotshe nzalama yi nga maneka ka tithomba ta Nyumba ya Mkoma, ni ka nyumba ya mfumeli, e si rumela ka Hazayeli, mfumeli wa Siriya, sekoko a to khukha Jerusalema.

1 Vafumeli 15:18

Sekoko Asa a to teka yotshe silivhela ni nzalama yi nga ti sate ka tithomba ta Nyumbani ka Mkoma, ni mu ka tithomba ta nyumbani ka mfumeli, se a to si ningela manzani ka sithumi sakwe, e si rumela ka Bheni-Hadhadhe, mwana Tambrimo, wa mwana Heziyomi, mfumeli wa Siriya, a nga ti zumba Dhamasku, a txi khene:

2 Makronika 16:1

Ngu dilembe da magumi mararu ni mtxhanu ni dimwendo da kufuma ka Asa, Bhahasa mfumeli wa Israyeli; a to wukela Judha ngu kuaka Rama, kasi ku ni wammweyo asi tumeliswi kuhuma, hambi kuwulela hafuhi ni Asa mfumeli wa Judha.

2 Makronika 16:3

Txitumelelano txi hagari kwangu ni nawe, hagari ka tate wangu ni tate wako; wona ti to na rumela txiningo kwako, silivhela ni nzalama; tsula u ya vhilinganyisa txitumelelano txako ni Bhahasa, mfumeli wa va ka Israyeli kasi ku e khukha kwangu.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.