2 Makronika 16:14 - Bhiblia Yo Sawuleka

¹⁴ A to tshotshwa ka dithitha di a nga ti mahela Didhoropani ka Dhavhidha, va di mu otelisile ka mbhedo wo tala ngu kubhumula, ni makha si nga longiselwa ngu va va tizivako; ve mu hisela ni mabaselo o tala o bhumula ngutu.

2 Makronika 16:14 Referans Kwoze

2 Makronika 21:19

Se ku to maheka tito, ku di pindile masiku o tala, kugumani ka dilembe da wumbidi, a to huma masembe ngu kukula ka malwati, se efa a txi lwala ngutu; kambe vathu vakwe kha va muhiselo dibaselo, kufana ni kule va nga hisela vatate vakwe.

Genesisi 50:2

Josefa a to leleta vadhokodhele va va nga ti mthumela, ti to va txi lulamisa mmidi wa tate wakwe, va txi wu totela mafura, se vona va totete mafura txirumbi txa Israyeli.

Jeremiya 34:5

U na fa ngu kuthutha; u na tshotshiswa kuhiswa nga tile va nga mahiswa tona vatate vako, vafumeli va kaleko ava va nga ti masoni kwako; va na kudilela, va txi kha vona: Yowe! Mkoma! Nguko ngani ni wombako dipswi, kuwomba Mkoma.

Marku 16:1

Ngako ditshiku da Sabbata di di pindile, Mariya wa Magdhala ni Mariya, mame wa Jakobe, ni Salome, va to xava mafura kasiku veya mu tota ngu ona.

Isaya 22:16

U ni txani hawa kani? Mwendo i mani u ku nayo hawa, aku u kelako dithitha, u kela ka wukhalo wo guleka dithitha dako, u ti mahela dizumbo upune amu ka dirigwi!

Ekleziyaste 10:1

Nga kule phuka yofa yi pfalisako kununga ko txhipisa mafura o bhumula, ngu toneto, wuphukuphuku wa onha wutxhari ni wudhumo wa m'thu wa nduma.

2 Makronika 35:24

Se sithumi sakwe si to mu humisa txikotxikani, veya m'beta ka txikotxikani txa wumbidi va nga ti natxo, ve mu tsulisa Jerusalema; se a to fa, e tshotshwa mathithani ka vatate vakwe; se votshe va ka Judha ni Jerusalema va to dila Josiya.

Genesisi 50:5

Tate wangu a ni xambanyisile, a txi khene: Ani ni hafuhi ni kufa, u na ya ni tshotsha diyivani kwangu, ni nga ti lulamisela ditikoni ka Kanana, ngu koneyo u no ya ni tshotsha kona. Ngu mhaka yeto, ni kombela ti to ni txi tumelelwa kutsula ni txi ya tshotsha kona tate wangu; sekoko ni txi gwita ni na wuya.

1 Samuwele 31:12

votshe vavamna va mtamo va to khukha, ve tsimbila wusiku wotshe, veya thavisa txirumbi txa Sawule ni sirumbi sa vanana vakwe digumani ka Bheti-Seyani, ve tsula naso Jebhesi veya si hisa kona.

2 Makronika 16:13

Se Asa a fite ngu dilembe da mune wa magumi a kufuma kwakwe, e otela ka vatate vakwe.

2 Samuwele 2:32

Se va to teka Asayeli veya mtshotsha mathithani ka tate wakwe, di nga ti ti maneka Bhetlehema; kambe Jowabhi ni vavamna vakwe va to tsimbila wotshe wusiku wule, se di va txela va di Hebroni.

2 Makronika 32:33

Ezekhiya a to otela ni vatate vakwe, eya tshotshwa ka mathitha a txitimwi a vanana va ka Dhavhidha. Vathu votshe va ditiko da Judha ni vahanyi va Jerusalema va to mudila kufani kwakwe, se mwanakwe Manasi a to fuma ka wukhalo wakwe.