2 Makronika 16:10 - Bhiblia Yo Sawuleka

¹⁰ Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

2 Makronika 16:10 Referans Kwoze

2 Makronika 18:26

Mi na womba ku khanu: Mfumeli a khene: Mu wuleteni mkorani mi txi mu xanisa ngu ku mtona sakudya ni mati, kala ni wuya ngu kuthutha.

Luka 3:20

a to engetela, txitimwi ka totshe tiya, mhaka ya kusekela Johani mkorani.

Sidilo 3:34

Kukandetela ngu mikondo Totshe tikhumbi ta ha mafuni;

Jeremiya 51:34

Nebhukodhonosori, mfumeli wa Bhabhilona, a ni vhandamulete, e ni ganyatela, a ni mahile txiya txa diphanga, a ni mitile nga mwamilambo, a tatile mrumbu wakwe ngu silo sangu sa sinene; a ni tshotshile hahanze.

Jeremiya 29:26

Mkoma a ku emisile ku va mphaxeli ka wukhalo wa Jehoyadha, mphaxeli, kasi kumaneka vathangeli Nyumbani ka Mkoma, ti taku, u txi sunga ngu makhodha ni tingoti, ava va xangako, va txi ti maha vaprofeti.

Jeremiya 20:2

Se a to peka mprofeti Jeremiya, a txi mkhotela ka wukhalo wu ku txikenini ka txitimwi ka Bhenjamini, amu Nyumbani ka Mkoma.

Isaya 51:23

Aniko ni na di veka manzani ka vale va ku henyisako, va ku kha vona moyani kwako: Nama, kasi ku hi pinda ngu txitimwi kwako; se msana wako u wu mahile ku nga mafu, wu txi nga nzila ya vale va pindako.

Masalmo 141:5

Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.

Jobe 20:19

nguko a tsindavetile sisiwana ni ku si leka, niku a honyote nyumba yi a nga mbi yi aka,

2 Makronika 26:19

Sekoko, Uziya a to henya, manzani kwakwe a di ni txikadyana txo hisela ka txona dibaselo; mbimo yoneyo a to khatwa ngu wulwati wa xokonho, yi to huma ngu ha ka banza yakwe, a di emile masoni ka vaphaxeli, Nyumbani ka Mkoma, hafuhi ni txiluvelo txa dibaselo.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

2 Samuwele 12:31

Se a to tisa vathu vale va nga ti ti ka dona, e va veka amu ka mthumo wa masaho, ni mithumoni ka misuka, ni ka matxhapu, e va pindisa ngu ka sikho sa sitini; se a to mahisa toneto ka otshe madhoropa a vanana va ka Amoni. Dhavhidha ni votshe vathu va to tshumela ve wuya Jerusalema.

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

2 Samuwele 11:4

Sekoko Dhavhidha a to rumela mitumi ya kuya mteka; se a txi wulela nyumbani ka Dhavhidha, a to otela nayo (nguko a ti ti basisile ka mtxima wakwe); sekoko ene a to tshumela e tsula m'tini kwakwe.

1 Vafumeli 22:27

se mi na khanu: Mfumeli a khene: Wuletani wamwamna wuwa mkorani, mi txi mninga sakudya so mbi tshamba, ni mati o bava, kala kuza ni txi wuya ngu kuthutha.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

2 Makronika 16:11

Kasi ngu wungi wa yotshe mithumo ya Asa yi bhatwe dibhukuni da matimu a mfumeli wa va ka Judha ni wa va ka Israyeli.

Jeremiya 26:21

Ene mfumeli Jehoyakimu, ni tindena takwe totshe, ni totshe tinduna, ngako va di pfite timhaka takwe, mfumeli a to xota ku m'daya. Aha a nga tipfa Uriya, a to thava, e pfodola eya Egipta.

Jeremiya 37:15

Vanana va mfumeli va to henya ngutu ngu Jeremiya, va txi mpeka, va txi mkhotela nyumbani ka Jonatani mabhalani, nguko va nga ti yi mahile mkora.

1 Vafumeli 13:4

Ku to maheka ti to mbimo yi mfumeli a ngapfa dipswi da m'thu wa Txizimu a nga ti ruketela txiluvelo txa Bheteli, Jerobhowamu a to nawuluta diwoko txitimwi ka txiluvelo, a txi khene: Mñoleni! Aniko diwoko di di nga nawulutwa kwakwe di to oma, asi dikoti ku di wuyisa kwakwe.