2 Makronika 15:9 - Bhiblia Yo Sawuleka

⁹ Se a to sengeleta votshe vathu va ka Judha, ni va ka Bhenjamini, ni valuveli va Efrayime, ni va ka Manasi, ni va ka Simiyoni, va ka Israyeli va to ta kwakwe va di tate ngutu, nguko va to wona ti to Mkoma Txizimu txakwe txi ni nene.

2 Makronika 15:9 Referans Kwoze

2 Makronika 11:16

Msana kwawe, totshe tihunzu ta va ka Israyeli, avale va nga lava Mkoma Txizimu txa Israyeli, ngu timbilu tawe, va toya Jerusalema kuya ningela mhamba ka Mkoma Txizimu txa vatate vawe.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

2 Makronika 30:25

Ku to maneka litsako la hombe ka wotshe msengeletano wa va ka Judha, ni ka vaphaxeli, ni Valevhi ni ka wotshe msengeletano wa votshe va nga ta ngu Israyeli, ni va luveli va ditiko da Israyeli ni va va hanyako ditikoni ka Judha.

1 Makronika 12:19

Vokari va ka Manasi, va to ti ningela ka Dhavhidha, mbimo yile a nga xoma ni Vafilista, ku yalwa ni Sawule, hambi ku va nga mbi vhunetela Vafilista; nguko vathangeli va Vafilista va to maha txikungo txo mtshumeta, va txi kha vona: A na ya pinda eya ka nyamne wakwe Sawule, e beta misungo yathu.

1 Vafumeli 12:19

Ngu toneto, Vaisrayeli va to ti lumula ka nyumba ya ka Dhavhidha kala ka ditshiku da nyamsi.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

1 Samuwele 18:28

Se Sawule a to wona taku kha ditshuri Mkoma a ti ti ni Dhavhidha; ni ku Mikali, mwanana wa Sawule, a ti ti randa Dhavhidha.

Genesisi 39:3

Nyamne wakwe a to khata ku ti wona ti to Mkoma a ti ti kumweko ni Josefa, ni ti to wa mninga mathomo ka totshe ti a ti mahako.

2 Makronika 15:10

Se ka mtxima wa wuraru, ka dilembe da wugumi da kufuma ka Asa va to sengeletana Jerusalema.

Ezekhiyele 37:16

Awe koko mwanana wa m'thu, teka txipulangwana, u bhala ka txona, u txi khawe: Ngu Judha ni vanana va ka Israyeli, ni vangana vakwe. Se teka tximwani txipulangwana u bhala ka txona, u txi khawe: Ngu Josefa ndonga ya Efrayime, ni yotshe nyumba ya ka Israyeli, ni vangana vakwe.

Genesisi 26:28

Vona va to xamula, va txi kha vona: “Ha ti wona ngu ditshuri ti to Mkoma Txizimu, a ni nawe, se hi khathu: Ta laveka ti to athu ni nawe hi txi xambanyelana, hi txi maha txitumelelano hagari kwathu.

2 Makronika 19:4

Josafati koko a to zumba Jerusalema, a txi tolovela kuya dingula vathu vakwe, kukhukhela Bherisebha kala mimangoni ka Efrayime, a txi va kombelela kuva txi tshumelela ka Mkoma, Txizimu txa vatate vawe.