2 Makronika 15:8 - Bhiblia Yo Sawuleka

⁸ Ngako Asa adi engisile timhaka tiya ti nga wombwa ngu mprofeti, mwana wa Obhedhi, a to tsana e thavisa sotshe simaho so nyenyenza sa ditiko dotshe da ka Judha ni da Bhenjamini, ni mu ka madhoropa ale a nga ma teka mimangoni ka Efrayime; e lunguiseta txiluvelo txa Mkoma atxi txi nga ti ti masoni ka m'hubhe wa Nyumba ya Mkoma.

2 Makronika 15:8 Referans Kwoze

2 Makronika 13:19

Se Abhiya a to tovela Jerobhowamu e mtekela Bheteli ni makhalo o fumwa ngu ngene, ni Jezana, ni Efroni ni otshe makhalo awa ma fumwako ngu ngene.

2 Makronika 8:12

Se Solomoni a to ninga mphaxo wa kuhiswa ka Mkoma, txitimwi ka txiluvelo txi va nga akela Mkoma, masoni ka m'hubhe wa dithepele;

2 Makronika 4:1

Solomoni a to maha txiluvelo txa koporo atxi txi ku ni magumi mambidi a mikono, kuanama ka txona ku ti ti hoka magumi mambidi a mikono yi di ni digumi da mikono ya kulapha kuya txitimwi.

1 Pedro 4:3

Se ti dingani ati mi nga ti hanyisa tona kale, to tsakelwa ngu vamatiko, ta kuhanya ngu wugelegele, ni kunavela ko biha, ni wudevi, ni makolo, ni masuke, ni kukhozela sa mafu.

Mithumo 28:15

Vanathu va didhoropa dile, ngako va di zivisilwe ta kubwaka kwathu, va to hi hingeta ve hoka mthandani ka Apiyo, ni ka wukhalo wu wu dhanwako ku i “Mawetela a Mararu.” Ngako Paulo a di va woni, a to bonga ka Txizimu e tsanisa mbilu.

Ezekhiyele 8:10

Se ni to wulela ni wona, ni mana taku, totshe tixaka ta sindindandinda, sihari so nyenyeza, ni sotshe sithombe sa nyumba ya ka Israyeli, si di pendilwe ka otshe madhawa a diseta.

Jeremiya 16:18

Se kukhata ni na va tshumetela kumbidi wubihi wawe ni sionho sawe, nguko va nyenyezisile ditiko dangu ngu sirumbi sa manyala awe, kambe ngu sinyenyeko sawe va tatile thomba yangu.”

Isaya 65:4

ve khalahatsha hafuhi ni mathita, ve heta wusiku wotshe ka makhalo a sihuja, va txi dya nyama ya khumba, ve nyamisa timbiya tawe ngu sakudya so yila.

Isaya 44:14

A titekete mikedhari, mwendo kuteka mikipresi, mwendo mkusu, kambe wa ti karata kuthuma ngu mindonga ya txitinga; wa phaya msululwani, se mati a nzuma me wu kulisa.

2 Makronika 29:18

Sekoko va to wulela nyumbani ka mfumeli Ezekhiya, va txi ya kha vona kwakwe: Hi basisile yotshe Nyumba ya Mkoma ni txiluvelo txa mningelo wo hiswa ni siya sotshe ni meza ya mapawu a mphaxo, ni sotshe siya sa yona.

2 Makronika 19:11

Tiziveni ti to Amariya, mphaxeli wa hombe a na va i di mthangeli wanu ka toshe timhaka ti ti lumbako Mkoma; se ka timhaka ta mfumo, mi na thangelwa ngu Zebhadhiya, mwana Ismayeli, mthangeli wa nyumba ya va ka Judha. Valevhi va na vhunetela ka mithumo ya dibhazani. Thumani mi di tsani, Mkoma a na va ni vale va kululama.

2 Vafumeli 23:13

Mfumeli a to nyamisa ni sona siluvelo si nga ti ti maneka txidingeni ka Jerusalema, ngu didhawa da txinene ka mmango wa Masite, si nga ti ti akilwe ngu Solomoni, mfumeli wa ka Israyeli, ka Axitaroti, kunyenyeka ka Vasidhoni ni Kemosi, kunyenyeka ka Vamowabhi ni Milikomi, kunyenyeka ka vanana va Amoni.

2 Vafumeli 18:22

Ngako mi txi khanu: Hi themba Mkoma, Txizimu txathu, ina hi nga ene wule ku nga dhundumuselwa siluvelo ni makhalo akwe o sawuleka ngu Ezekhiya, a txi khene ka Judha ni ka Jerusalema: Ina mi na nama ka txiluvelo txiya kona Jerusalema kani?

2 Vafumeli 16:14

Aniko txiluvelo txa koporo txi nga ti ti masoni ka Mkoma, a to txi thavisa masoni ka nyumba, yi ku hagari ka txiluvelo ni Nyumba ya Mkoma, e txi veka didhawani ka txiluvelo txakwe, ngu wutxani.

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

1 Vafumeli 11:5

nguko Solomoni a to tsimbila ngu nzila ya Axitaroti, txizimu txa txisikati txa Vasidhoni, ni kulondeta Milkomi, txinyenyeko txa Vaamoni.

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Levhi 18:30

Ngu toneto, xoniphani sileleto si ni nga mi mahela, mi si londeteli mikhuwo yo biha, ayile va nga yi mahetela vale va nga thanga vona, na mi sinzi kumaneka anu, nguko mikhuwo yoneyo yi nga mi nyenyezisa. Ani ngani Mkoma, Txizimu txanu.

2 Makronika 17:2

A to veka vathu va yimbi ka madhoropa otshe a hombe a Judha, ni va woneleti va ditiko da Judha, ni ka madhoropa a Efrayime awa Asa tate wakwe a nga ti ti matekile.

2 Makronika 19:4

Josafati koko a to zumba Jerusalema, a txi tolovela kuya dingula vathu vakwe, kukhukhela Bherisebha kala mimangoni ka Efrayime, a txi va kombelela kuva txi tshumelela ka Mkoma, Txizimu txa vatate vawe.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

1 Vafumeli 15:9

Se ka dilembe da magumi mambidi a Jerobhowamu, mfumeli wa Israyeli, Asa a to khata kufuma ditiko da ka Judha

Matewu 25:16

Awule a nga amukela mtxhanu wa titalenta, a to bhindula ngu tona, e mana timwani ta mtxhanu.