2 Makronika 15:3 - Bhiblia Yo Sawuleka

³ Ka mbimo yo lapha va ka Israyeli va hanyile va si na Txizimu txa ditshuri, ni vaphaxeli vo va gondisa ni mlayo.

2 Makronika 15:3 Referans Kwoze

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Levhi 10:11

mi txi sikota kugondisa va ka Israyeli ti to ve vekisa milayo yi Mkoma a nga va ninga, ngu txisofu txa Mosi.

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Varoma 2:12

Votshe va va nga onha va si nga ni mlayo, va na lova va si nga ni mlayo; kambe ava va nga onha na va txi wu ziva mlayo, va na lamulwa ngu mlayo.

Dhewuteronome 33:10

Va gondisile sileleto sako ka Jakobe, ni mlayo wako ka Israyeli; vona va wuyisile kubhumula ka dibaselo tithonvuni kwako, ni mningelo wo hiswa txitimwi ka txiluvelo txako.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

1 Timoti 3:2

Ngu toneto, kulaveka ti to mthangeli e va i di m'thu wu a ku si nga ni txisolo, i di m'thu wu a ku ni msikati mmweyo, i di wa kutiñola, wa mapimo, a di ni nduma ya yinene, wa kuziva kuamukela vapfhumba, wa kusikota kugondisa;

1 Vatesalonika 1:9

Nguko, ngu vona vapune va xawutelako ati mi nga hi amukelisa tona, ni ti mi nga hindukisa tona, mi txi leka sithombe, mi txi namarela ka Txizimu, kufela ku mi txi thumela Txizimu txi txi hanyako, na i di txa ditshuri;

1 Vakorinto 9:21

Ni di ni vale va ku hahanze ka mlayo, ni hanyisa ku nga vale va ku hahanze ka wona mlayo, kufela ku ni va mana ni vona, hambiko ni ku si nga hahanze ka mlayo wa Txizimu, kambe ni ku hahatshi ka Mlayo wa Kristu.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Levhi 10:8

Se Mkoma a to womba ka Aroni a txi khene:

2 Makronika 17:7

Ka dilembe da wuraru da kufuma kwakwe a to rumela vathangeli takwe Bheni-Kayil, ni Obhadhiya, ni Zakariya, ni Nathaniyele, ni Mikayeli, kasi kuva txi ya gondisa madhoropani ka va ka Judha.

Amosi 8:11

Wonani taku mata masiku, kuwomba Mkoma Txizimu, ni no rumela nzala ha mafuni, i si nga nzala ya sakudya mwendo ditora da mati, kambe do pfa dipswi da Mkoma.

Sidilo 2:9

Matimba akwe ma fayetetwe; Mkoma a khundumusete ni kufunyeletela matimba a tisimbi; mfumeli wakwe ni vathangeli va kona va ka matiko o mbi na milayo, kuve vaprofeti kha va mani txiwoniso ni txatximwetxo ngu ka Mkoma.