2 Makronika 15:2 - Bhiblia Yo Sawuleka

² Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Makronika 15:2 Referans Kwoze

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

2 Makronika 24:20

Se Moya wa Txizimu wu to ta ka Azariya, mwana mphaxeli Joyadha, awule a nga ema masoni ka vathu, a txi khene kwawe: Txizimu txi kha txona: Ngu kutxani mi hambuka ka milayo ya Mkoma kani? Ngu konaho Mkoma nene a na mi leka.

2 Makronika 15:4

Kambe mbimo yi va nga ti ti ni xomulo va hundulukile ka Mkoma Txizimu txa Israyeli, ve mu lava ve mmana.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Vahebheru 10:38

Mlulami a na hanya ngu likholo, aniko ngako a txi tshumelela msana, moya wangu kha wu na mbi mtsakela.”

2 Makronika 15:15

Votshe va ka Judha va to tsaka ngu kuxambanya kwawe, nguko va xambayile ngu timbilu tawe totshe, ni ngu kuranda kwawe va mu lavile va mmani; se Mkoma a to va ninga kudikha ngu madhawa otshe.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

2 Makronika 13:12

Wonani Txizimu txi ni nathu masoni kwathu, vaphaxeli va txona va veta mipundu kasi ku mi hangalasa; vanana va ka Israyeli mi nga lweni ni Mkoma Txizimu txa va tate vanu, nguko kha mi na mbi mu xula.

2 Makronika 20:15

Se Jahaziyeli a to khene: Engisani anu motshenu va ka Judha, ni nanu vahanyi va Jerusalema, ni nawe mfumeli Josafati. Mkoma a khene kwanu: Mi nga thaveni, mi nga dhudhumeleni ngu mhaka yaku wona vathu vava vavangi, ngu ku hi nga anu mi ñolwa yimbi yiya, yi na lwiwa ngu Txizimu.

Dhewuteronome 20:1

“Mbimo yi u no huma ku yalwa yimbi ni valala vako, ngako u txi wona mahantxhi ni sikotxikani ni vathu vavangi, vo pinda awe, u nga va thave, nguko Mkoma, Txizimu txako awu a nga kuhumisa ditikoni ka Egipta, ana ni nawe.

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

2 Vafumeli 21:14

Se ni na leka miboti yile i kuthomba yangu, ni na va ningela manzani ka valala vawe; va na pelwa ni kuhonyolelwa sawe ngu valala vawe.

Matewu 13:9

Awule a ku ni tinzeve to engisa, a na engise!”

2 Makronika 13:4

Abhiya a to ema txitimwi ka mmango wa Zemarime, wu ku mimangoni ka Efrayime, a txi khene: Ni engiseni awe Jerobhowamu ni nanu motshenu va ka Israyeli!

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Isaya 7:13

Sekoko Isaya a to khene: Engisani konkuwa, anu va nyumba ya ka Dhavhidha! I mhaka yayidotho yo xanisa vathu, koza mi lava ni kuxanisa Txizimu txangu kani?

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Mtuletelo 3:22

Awu a ku ni tinzeve a na engise ati Moya wu embelako Mabanza.”

Mtuletelo 3:13

Awu a ku ni tinzeve a na engise ati Moya wu embelako Mabanza.”

Mtuletelo 3:6

Awu a ku ni tinzeve a na engise ati Moya wu embelako Mabanza.”

Mtuletelo 2:29

Awule a ku ni tinzeve, a na engise ati Moya wu embelako Mabanza.”

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Valamuli 9:7

Va to yisa mhaka ka Jothamu, se ene a to kwela txitimwi ka mmango wa Gerizimi, aha a nga va gela ngu dipswi da hombe, a txi khene: “Vathu va lisima va Sikemi, ni engiseni, kasi ku Txizimu txi txi mi engisa!

2 Makronika 33:12

Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe,

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Joxuwa 22:31

Koneko Finiyasi mwana Eleyazari, mphaxeli, a to womba ka vanana va ka Rubheni, ni ka vanana va ka Gadhi, ni ka vanana va ka Manasi, a txi khene: “Se ha tiziva nyamsi ti to Mkoma a hagari kwathu, nguko anu kha maonhela Mkoma ngu mhakeyo, aniko, mi hulukisile vanana va ka Israyeli ka txitsayiso txa Mkoma.”

1 Vafumeli 18:18

Se ene a nje khene: Ani kha ni zivi ku nga khulumetela Israyeli, aniko ngawe ni nyumba ya tate wako, ngu ku mi nga leka milayo ya Mkoma mi londisa va ka Bhahali.

2 Makronika 12:5

Sekoko mprofeti Semaya a to ta ka Robhowamu ni ka vathangeli va va ka Judha a ava va nga ti ti sengeletanile Jerusalema ngu mhaka ya Sisake, a txi khene: Mkoma a womba tiya: Anu mi ni lekile, nani ni mi lekile manzani ka Sisake.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

2 Makronika 34:3

Ngu dilembe da wutxhanu ni mararu, da kufuma ka Josiya, i di ngadi dizambi, e khata kulava Txizimu txa Dhavhidha tate wakwe; se ngu dilembe da wugumi ni mambidi a to khata kubasisa ditiko da va ka Judha ni Jerusalema a txi thavisela makhalo awe o guleka, a txi wilela tiphande tawe ni sithombe so vatwa ni so wumbwa.

Ezra 8:22

Nguko ni vile ni tingana kukombela masotxhwa ka mfumeli, ni vagadhi va mahantxhi ku hi vhikela ka valala nzilani, ngako hi nga ti ti wombile ka mfumeli ku khathu: Dianza da Txizimu txathu di txitimwi ka votshe vale va txi lavako ngu ta tinene, aniko mtamo wa txona ni txiviti txa txona, si txitimwi ka vale va txi lekako.

Masalmo 34:4

Ni lavile Mkoma, se ene a ni xamute, a txi ni hulukisa kambe, aha ka dizowa dangu.

Masalmo 53:2

Txizimu txi woni vathu txi di nzumani, kasi kuziva ti to mwendo ku ni wammweyo a ku ni mapimo; m'thu wu a lavako Txizimu.

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Mitengo 14:42

Mi nga kweleni, nguko Mkoma khangaho hagari kwanu; valala vanu va na ya mi xula.

Mitengo 14:43

Nguko Vaamaleki ni Vakanana va masoni kwanu; anu mi na fuletelwa ngu matxhari awe, nguko anu mi tshuralete Mkoma; se nene Mkoma kha na mbi va ni nanu.”

Dhewuteronome 4:29

Sekoko kukhukhela koneyo, u na lava Mkoma, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

Joxuwa 24:20

Ngako mi txi hambana ni Mkoma, mi txi khozela simwani sizimu, ene a na mi wukela, a txi mi tsayisa, a txi mi fuvisa, hambiko a nga khata ngu ku mi mahela wunene.”

Valamuli 10:13

Hambi keto, anu mi ni tshuralete, mi thumela simwani sizimu; ngu mhaka yeto kha ni na mbi mi hulukisa kambe.

1 Samuwele 12:14

Se ngako mi txi thava Mkoma, ni ku mthumela, ni kuengisa dipswi dakwe, kambe mi si leki sileleto sa Mkoma, anu ni mfumeli wu a fumako txitimwi kwanu, mi na londeta Mkoma, Txizimu txanu.

1 Samuwele 12:15

Aniko ngako mi si engisi dipswi da Mkoma, mi eyisa sileleto sa Mkoma, dianza da Mkoma di na mi wukela, kufana ni kule di nga wukela vatate vanu.

1 Vafumeli 11:25

Rezomi a mahile mlala wa Israyeli ka otshe masiku a Solomoni, totsheto, hahanze ka wubihi wule a nga ti wu maha, nguko a ti venga Israyeli, e fumela Siriya.

2 Makronika 11:12

Se a to veka ka didhoropa dimwani ni dimwani sivhikelo ni matxhari; e ma tsanisa ngutu; kambe Judha ni Bhenjamini va to mlumba.

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Amosi 5:14

Lavani wunene i si nga wubihi, ti to mi hanya, koneho Mkoma, Txizimu txa Mabutho a Tiyimbi, a na va ni nanu, nga ku mi wombako.

Zakariya 1:3

Ngu toneto, va gele ku khawe: Mkoma wa Mabutho a Tiyimbi a khene: Tshumelelani kwangu, kuwomba Mkoma wa Mabutho a Tiyimbi, se nani ni na tshumelela kwanu, kuwomba Mkoma wa Mabutho a Tiyimbi.