2 Makronika 15:15 - Bhiblia Yo Sawuleka

¹⁵ Votshe va ka Judha va to tsaka ngu kuxambanya kwawe, nguko va xambayile ngu timbilu tawe totshe, ni ngu kuranda kwawe va mu lavile va mmani; se Mkoma a to va ninga kudikha ngu madhawa otshe.

2 Makronika 15:15 Referans Kwoze

2 Makronika 14:7

Se Asa koko a to khene ka va ka Judha: A hi akeni madhoropa hi ma bhiya ngu maguma, ni sitezi ni matimba ma ku ni sikhweketo, na ditiko di di ngadi thuthile, hi lava Mkoma Txizimu txathu; hi mlavile se Ene a hi ningile kuhumula ngu madhawa otshe. Va to aka ve fuma.

2 Makronika 15:12

Ve wulela ka txitumelelano txo lava Mkoma, Txizimu txa vatate vawe, ngu timbilu tawe totshe ni mihefemulo yawe yotshe,

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Isaya 26:8

Nzilani ka wulamuli wako Mkoma, ha kuverela; ditinani kwako ni mapimoni kwako, kuho kualakanya ka mihefemulo yathu.

Masalmo 119:111

Thomba yangu ya yotshe mbimo ngu sileleto sako, nguko sa tsakisa mbilu yangu.

Masalmo 32:11

Tsakani, kambe giyani ngu kualakanya Mkoma, vathu vavanene vo dhundeka; embelelani ngu kutsaka, anu motshenu mi ku vo lulama ni kuthembeka!

2 Makronika 15:4

Kambe mbimo yi va nga ti ti ni xomulo va hundulukile ka Mkoma Txizimu txa Israyeli, ve mu lava ve mmana.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Mavingu 3:17

Tinzila ta wutxhari ndinzila to tsakisa, ni tinzila ta kona nda kuthutha.

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

2 Makronika 29:36

Se Ezekhiya kumweko ni vathu votshe va to tsaka ngu ti Txizimu txa nga va mahela tona, ngu ku va sikotile kumaha wotshe mthumo ngu kukuluveta.

2 Makronika 15:6

Vathu va to wukelana, didhoropa dimwani di txi wukela dimwani didhoropa, nguko Txizimu txi di va vangete xomulo yayingi.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Joxuwa 23:1

Ngako ku di pindile mbimo yo lapha, msana ka kuva Mkoma a di humutile Israyeli kulwa ni votshe valala vakwe va nga ti hafuhi nayo, na se Joxuwa a di kumbile ngutu,

Dhewuteronome 26:11

Se u na tsaka, u tsakela totshe tinene tile Mkoma, Txizimu txako, a nga ku mahela awe ni yotshe nyumba yako, kumweko ni Mlevhi ni mluveli wule a zumbako hagari kwanu.

2 Makronika 29:10

Konkuwa mbiluni kwangu ni alakanya ti to hi maha txitumelelano ni Mkoma, Txizimu txa Israyeli, kasi ku kuhenya ka Mkoma kuhambuka kwathu.

2 Makronika 14:6

Se a to aka madhoropa o tsana ditikoni ka Judha, nguko ditiko di ti ti thuthile, ku si na tiyimbi ka malembe ale, nguko Mkoma amu ningile kuhumula.

2 Makronika 15:14

Va to xambanya ka Mkoma, ngu dipswi do guleka ni da kutsaka va txi veta mipundu ni titshudi.

2 Makronika 20:30

Se wukoma wa Josafati wu to mana kuthutha, Txizimu txakwe txi to mninga kuhumula ngu madhawa otshe.

Masalmo 119:10

Ani na ti lava ku kuthumela ngu yotshe mbilu; u nga ni leke ni txi hambana ni sirumo sako.

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Joxuwa 24:25

Ka ditshikudo, Joxuwa a mahile txitumelelano ni vathu; a to va vekela mithetho ni milayo kona Sikemi.

2 Vafumeli 23:3

Se mfumeli a to ema hafuhi ni phande, e maha txitumelelano masoni ka Mkoma, txa ku na tsimbila kumweko ni Mkoma, ni kuvekisa sirumo sakwe, ni wufakazi wakwe, ni sileleto sakwe, ngu yotshe mbilu, ni wotshe muhefemulo, ngu kutsanisa mapswi a txitumelelano txiya, ma nga ti bhatwe ka dibhuku dile; se votshe vathu va txi emete txitumelelano txiya.

1 Makronika 16:10

Ti guleteni ka ditina dakwe do sawuleka; Ti na tsake timbilu ta va va lavako Mkoma.

2 Makronika 11:16

Msana kwawe, totshe tihunzu ta va ka Israyeli, avale va nga lava Mkoma Txizimu txa Israyeli, ngu timbilu tawe, va toya Jerusalema kuya ningela mhamba ka Mkoma Txizimu txa vatate vawe.

2 Makronika 19:3

Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

2 Makronika 34:31

Se mfumeli a to ema ha wukhaloni kwakwe e maha txitumelelano masoni ka Mkoma, kasi ku a txi vekisa milayo yakwe, ni sileleto sakwe, ngu mbilu yakwe yotshe, ni muhefumulo wakwe wotshe, ni kulondeta otshe mapswi a txitumelelano, awa ma nga bhalwa ka dibhuku da txitumelelano.