2 Makronika 15:14 - Bhiblia Yo Sawuleka

¹⁴ Va to xambanya ka Mkoma, ngu dipswi do guleka ni da kutsaka va txi veta mipundu ni titshudi.

2 Makronika 15:14 Referans Kwoze

Nehemiya 10:29

va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;

Nehemiya 5:13

Kambe ni to zuza nguwo yangu, ni txi khani: Ngu mamahelo awa Txizimu txi na zuze votshe vathu tinyumbani kwawe ni mithumoni kwawe, avale va si londetiko dipswi diya; va na zuzwe ve sala i di maphanga. Se wotshe msengeletano wu to kha wona: Amen! Aniko va to dhumisa Mkoma, se vathu va to maha madingano ni dipswi diya.

2 Makronika 15:13

ni ti to votshe avale va si laviko Mkoma, Txizimu txa Israyeli a fanete kufa, kukhukhela ka vavadotho kala ka va hombe, wamwamna kala ka wamsikati.

2 Makronika 15:15

Votshe va ka Judha va to tsaka ngu kuxambanya kwawe, nguko va xambayile ngu timbilu tawe totshe, ni ngu kuranda kwawe va mu lavile va mmani; se Mkoma a to va ninga kudikha ngu madhawa otshe.

Masalmo 98:6

mi txi veta maposi ni mipundu. Tsakani masoni ka Mkoma, nguko ene ngene mfumeli.

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Eksodha 24:7

A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Joxuwa 24:24

Vathu va to womba ka Joxuwa va txi kha vona: “Athu hi na khozela Mkoma, Txizimu txathu, ni dipswi dakwe hi na di engisa.”