2 Makronika 15:11 - Bhiblia Yo Sawuleka

¹¹ Ngu ditshiku donedo va to maha m'phaxo ka Mkoma, ngu sihari sile va nga wuya naso, 600 wa tihomu ni 6.000 wa tinvuta.

2 Makronika 15:11 Referans Kwoze

2 Makronika 7:5

Se mfumeli Solomoni a to ningela mphaxo ngu kuthutha, 22.000 wa tihomu, ni 120.000 wa tinvuta; ngu kumaha keto, mfumeli ni votshe vanana va ka Israyeli, va to ningelisisa Nyumba ya Txizimu.

2 Makronika 1:6

Se Solomoni a to maha mphaxo wo hiswa masoni ka Mkoma, txitimwi ka txiluvelo txa koporo txile txi nga ti ti ditendani ka msengeletano, e ningela txitimwi ka txona 1.000 wa miningelo yo hiswa.

1 Samuwele 15:21

Kambe vathu va handile tinvuta ni tihomu ta mikati, ni simwani sa lisima ka sile so nyenyeka, kasi kuya si ningela ka Mkoma, Txizimu txako, kona Giligali.

1 Samuwele 15:15

Se Sawule a to khene: Va ti tekile ka Vaamaleki; nguko vathu va tekile tinvuta ni tihomu ta mikati totshura, kasiku ta maha mningelo ka Mkoma, Txizimu txako; kambe simwani hi haxulete si txi bhi.

Mitengo 31:50

Ngu kumaha keto, va to tisa mningelo ka Mkoma, mmwani ni mmwani ngu ha a nga pimisa ngu kona: Mihindo ya msuku, tiphera, masinda, tiketani, ni wusekenya.

2 Makronika 15:10

Se ka mtxima wa wuraru, ka dilembe da wugumi da kufuma ka Asa va to sengeletana Jerusalema.

2 Makronika 14:12

Mkoma a to dayela va Etiyopiya masoni ka Asa, ni masoni ka va ka Judha, se va Etiyopiya ve tutuma.