2 Makronika 14:6 - Bhiblia Yo Sawuleka

⁶ Se a to aka madhoropa o tsana ditikoni ka Judha, nguko ditiko di ti ti thuthile, ku si na tiyimbi ka malembe ale, nguko Mkoma amu ningile kuhumula.

2 Makronika 14:6 Referans Kwoze

2 Makronika 15:15

Votshe va ka Judha va to tsaka ngu kuxambanya kwawe, nguko va xambayile ngu timbilu tawe totshe, ni ngu kuranda kwawe va mu lavile va mmani; se Mkoma a to va ninga kudikha ngu madhawa otshe.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

1 Makronika 22:9

Wona taku, mwanana wule a no velekwa, a na va wamwamna wo thutha; nguko ni na mninga kudikha ka votshe valala vakwe ka madhawa otshe; ngu kumaha keto, ditina dakwe i nava Solomoni, se kudikha ni kuhumula ni na ninga Israyeli ka otshe masiku akwe.

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

1 Vafumeli 5:4

Ngu konaho koko, Mkoma, Txizimu txangu, a ni ningile kuhumula ngu ka otshe madhawa; kha ku nga ni mlala, kambe kha ni mani txikarato ni txa tximwetxo.

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.

Valamuli 3:30

A khozisisilwe eto Mowabhi kedo ditshiku, hahatshi ka dianza da Israyeli; se ditiko di to dikha mndani ka mtxhanu wa magumi ni magumi mararu a malembe.

Valamuli 3:11

Sekoko ditiko di to humula mune wa magumi a malembe; se Otoniyeli, mwana Kenazi, a to fa.

Joxuwa 23:1

Ngako ku di pindile mbimo yo lapha, msana ka kuva Mkoma a di humutile Israyeli kulwa ni votshe valala vakwe va nga ti hafuhi nayo, na se Joxuwa a di kumbile ngutu,

2 Makronika 20:30

Se wukoma wa Josafati wu to mana kuthutha, Txizimu txakwe txi to mninga kuhumula ngu madhawa otshe.

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

2 Makronika 17:4

A to lava Txizimu txa tate wakwe e tsimbila ka sirumo sa txona, asi londeti mikhuwo ya vathu va ka Israyeli.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

2 Makronika 31:21

Ka wotshe mthumo wu a nga wu khata wa Nyumba ya Txizimu, ni wa mlayo, wa sileleto, kasi ku a txi lava Txizimu txakwe ngu mbilu yakwe yotshe, a to kateka.

2 Makronika 34:3

Ngu dilembe da wutxhanu ni mararu, da kufuma ka Josiya, i di ngadi dizambi, e khata kulava Txizimu txa Dhavhidha tate wakwe; se ngu dilembe da wugumi ni mambidi a to khata kubasisa ditiko da va ka Judha ni Jerusalema a txi thavisela makhalo awe o guleka, a txi wilela tiphande tawe ni sithombe so vatwa ni so wumbwa.