2 Makronika 14:3 - Bhiblia Yo Sawuleka

³ Nguko a thavisile siluvelo sa sizimu sa walo, e fayetela marigwi awe a wukhongeli, a txi wilela tiphande tawe.

2 Makronika 14:3 Referans Kwoze

Dhewuteronome 7:5

Ngu tiya mi fanelako ku va mahela, kukhundumusa siluvelo sawe, mi txi fayetela marigwi awe a wukhongeli, mi wilela tiphande tawe, ni kuhisa sithombe sa Aseri.

2 Vafumeli 23:14

Ngu kufana a to faya sithombe, e gangela sifananiso, e tata wukhalo wa kona ngu marambu a vathu.

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

2 Makronika 15:17

Makhalo o guleka kha ma thaviswa ditikoni da Israyeli, Asa a to va wo lulama ka masiku akwe otshe.

2 Makronika 34:4

Va to khundumusela siluvelo sa bhahali, masoni kwakwe; va txi wilela ni sithombe sa ditambo asi si nga ti ti txitimwi kwawe, ni tiphande, ni sithombe so vatwa ni so wumbwa, ve si tshinda si maha mpupu a txi wu xwayela mathithani ka vale va nga ti ti si khozela.

2 Vafumeli 23:6

Kambe a to thavisa txifananiso txo vatwa Nyumbani ka Mkoma eya txi tshotsha hahanze ka Jerusalema, txinambwanani ka Kedroni, e txi hisa hafuhi ni txinambwana txa Kedroni, txi maha dikhuma, se a to xwayela dikhuma da kona txitimwi ka mathitha a vanana va vathu va ditiko dile.

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

2 Makronika 14:2

Se Asa a to maha tile i ngadi tinene ni to lulama masoni ka Mkoma Txizimu txakwe,

2 Makronika 14:4

Se a to ruma va ka Judha kuve lava Mkoma Txizimu txa vatate vawe, ni kuwonisisa sirumo ni sileleto sa txona.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

2 Makronika 33:16

Se Manasi a to aketa txiluvelo txa Mkoma, e ningela mningelo wa kudikha ni wa kudhumisa txitimwi ka txona, se a to leleta va ka Judha kuthumela Mkoma, Txizimu txa Israyeli.