2 Makronika 14:12 - Bhiblia Yo Sawuleka

¹² Mkoma a to dayela va Etiyopiya masoni ka Asa, ni masoni ka va ka Judha, se va Etiyopiya ve tutuma.

2 Makronika 14:12 Referans Kwoze

2 Makronika 13:15

Se vavamna va ka Judha va to peka tihuwa, Txizimu txi txi engisa tihuwa ta va ka Judha txi to peka Jerobhowamu ni votshe va ka Israyeli ngu lifo masoni ka Abhiya ni ka va ka Judha.

1 Vakorinto 15:57

Txi na bongwe Txizimu txi hi ningako kuxula ngu Mkoma wathu Jesu Kristu.

1 Vakorinto 9:26

Ani kha ni mahi nyamtutume, kambe kha ni lwisi ku nga no peketela diphuho.

Masalmo 60:12

Ngu kuvhunwa ngu Txizimu hi na mana kuxula; nguko ngu txona txi no ganyatela valala vathu.

Joxuwa 10:10

Se Mkoma a to va vhinganyisa masoni ka va ka Israyeli, se va ka Israyeli va to va peka va txi va khozisa, hafuhi ka Gibheyoni, va txi va girimusa ngu nzila ya kuya Bheti-Horoni, va txi va khozisa kala kuhoka Azeka ni Makedha.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Dhewuteronome 28:7

Mkoma a na ningela valala vako, vale va no kuwukela, ve dawa masoni kwako; va nata ngu nzila yimweyo kutalwa ni nawe, aniko va nata hangalaka ve thava ngu mtxhanu wa tinzila ni timbidi.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

2 Makronika 20:22

Se ka mbimo yile va nga khata kupeka mikulungwani ya kutsaka ka hombe ni kudhumisa, Mkoma a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.

2 Makronika 12:3

A ti ti ni 1.200 wa sikotxikani ni 60.000 wa vagadhi va mahantxhi; ni vathu votala ngutu a nga ta navo ngu Egipta, va ka Libhiya ni va ka Suka ni va Etiyopiya.

Amosi 9:7

Ina hi nga anu vanana va ka Israyeli kwangu, nga vanana va Vaetiyopia kani? Kuwomba Mkoma. Ina kha na kwelelisa vanana va ka Israyeli ngu ditikoni ka Egipta, ni Vafilista ngu Kafitori, ni Vasiriya ngu Kiri kani?

Genesisi 10:19

Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa.

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

1 Makronika 5:21

Se va ka Israyeli va to handa sifuyo sa va ka Hagari: 50.000 wa makamelu awe, ni 250.000 wa tinvuta, ni 2.000 wa timbongola; ni 1.000 wa vathu.

2 Makronika 15:11

Ngu ditshiku donedo va to maha m'phaxo ka Mkoma, ngu sihari sile va nga wuya naso, 600 wa tihomu ni 6.000 wa tinvuta.