2 Makronika 13:9 - Bhiblia Yo Sawuleka

⁹ Kha ma tshotsha hahanze vaphaxeli va Mkoma, vanana va Aroni ni Valevhi se mi ti lavela vaphaxeli vanu kufana ni vathu va matiko mamwani? Mmwani ni mmwani awu a tako e ta phaxela ngu dirole ni mtxhanu wa tihamba ni timbidi koneko a maha mphaxeli wa vale i singako sizimu.

2 Makronika 13:9 Referans Kwoze

Jeremiya 2:11

Di ngava di diho ditiko di di nga hundulusa sizimu sa dona, hambiko i singako sizimu kani? Aniko vathu va vangu va lekile wudhumo wawe, ve khozela sisi si vhuniko txilo.

Eksodha 29:35

Ti di ngeto ngu Aroni ni vanana vakwe, u na maha kwawe nga ti ni nga kuleleta; u na va u txi va sawulekisa amu ka mtxhanu wa masiku ni mambidi.

Vagalatiya 4:8

Kambe, kale ngu ku ambi ziva Txizimu txa ditshuri, mi khozete sizimu so va i si nga sa txilo.

Mithumo 19:26

kambe ma ti wona ni ku tiengisa va txi womba ti taku Paulo wuwa wa kujetela vathu, votala, i si nga Efesu muwa dwe, aniko a lavile kueneta dotshe ditiko da Aziya, a txi va hambukisa ngu ku va gela ku khene sizimu si si mahwako ngu manza athu, hi nga sizimu sa txilo.

Hoseya 8:6

Nguko edo ngu dona dirole do mahwa ngu Israyeli; mtshuli a ngadi maha, hi nga Txizimu. Aniko dirole da Samariya di na funyetelwa di maha sihwika.

Jeremiya 5:7

“Ni nga ku divalelisa kutxani kani? Vanana vako va ni lekile, va xambanya ngu va i singako sizimu! Hambi ni di va khurisile ngu kudingana, vona va mahile wugango, va to sengeletana nyumbani ka wugango na i di vangi ngutu.

1 Makronika 29:5

nzalama ka siya sa nzalama, silivhela ka siya sa silivhela, ka wotshe mthumo wa manza a vathumi. I mani koko, a nga tatako dianza dakwe ngu siningo e ningela ngu kuranda kwakwe nyamsi ka Mkoma kani?

2 Vafumeli 19:18

Va tshotshile sizimu sawe mndiloni, ngako i nga si nga sizimu sa txilo, aniko i ti mithumo ya manza ya vathu, nzithombe so mahwa ngu mapulango ni marigwi; ngu mhaka yeto, va si khundumusete.

1 Vafumeli 13:33

Msana keto, Jerobhowamu kha leka nzila yakwe yo biha; a to simama e guleta vathu va hahatshi ngutu e va maha vaphaxeli va makhalo o guleka; a to tatela manza ka ni wuhi a nga ti mlava, se mthuyo e maneka i ti mphaxeli wa makhalo o guleka.

Dhewuteronome 32:17

Va mahile miphaxo ka madhimoni, na i si nga ka Txizimu; ni sizimu sile va nga mbi si ziva, sizimu sa siphya, si si nga mahwa kona kuwa, asile vatate vanu va nga mbi si thava.

Levhi 16:32

Se mphaxeli wu a no totwa, ni kusawulwa kasi kumaha mphaxo wukhaloni ka tate wakwe, a na maha mphaxo wa kuthavisa sionho, na a ti ambate syambalo sa linyu, i ku syambalo so sawuleka,

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Eksodha 32:29

Mosi a wombile a txi khene: “Nyamsi ti ningeleni mthumoni ka Mkoma, nguko mmwani a phaxile mhamba ngu mwanana wakwe ni mwanawe, se ka toneto mi katekisilwe nyamsi.”

Eksodha 29:1

Ngu tiya u no maha kwawe kasi ku va katekisa ve maha vaphaxeli: U na langa dirole ni tihambana timbidi to mbi na wulima;

Eksodha 29:29

Syambalo so sawuleka sa Aroni ngu msana ka kona ni sa vanana vakwe; va na si ambala mbimo yile va no va va di totilwe ni ku va va di emisetwe.

2 Makronika 13:10

Aniko athu Mkoma ngene Txizimu txathu, kha hi na mbi mleka; Vaphaxeli ava va thumelako Mkoma vanana va Aroni ni Valevhi.

2 Makronika 29:31

Ezekhiya a to xamula a txi khene: Konkuwa anu mi nga ti ningela ka Mkoma, tshuketani mi tisa mhamba ni miningelo ya kudhumisa, Nyumbani ka Mkoma. Se msengeletano wu to tisa mhamba ni miningelo ya kubonga, vamwani ngu kuranda kwawe, va humisile miningelo ya kuhiswa.