2 Makronika 13:7 - Bhiblia Yo Sawuleka

⁷ A to ramba vavamna vokari va migewu, vanana va sigevenga ve wukela Robhowamu, mwanana wa Solomoni; Robhowamu i ti ngadi dijaha asi na mtamo mbiluni kwakwe, kha ya sikota ku va xula.

2 Makronika 13:7 Referans Kwoze

2 Makronika 12:13

Se mbimo yile mfumeli Robhowamu mwana Solomoni, a nga fuma Judha; a to khata kufuma a di ni mune wa magumi a malembe ni dimwedo, se a to fumela Jerusalema digumi da malembe ni mtxhanu ni mambidi, ka didhoropa dile Mkoma a ngadi sawula hagari ka totshe tihunzu ta ka Israyeli kasi kuveka ditina dakwe kona; se ditina da mwamwakwe i ti ti Nahama Muamoni.

Valamuli 9:4

Se va to mninga mtxhanu wa magumi ni mambidi a maxekele a silivhela, ma nga ti dithepeleni ka Bhahali-Bheriti, se Abhimeleki a to thumisa maleyo, kasi kuthola ngu yona migewu yokari ya mahanyelo a kwa mbi na ditshuri, ve ema nayo, va txi mlondeta.

Vahebheru 5:12

Nguko, ti ti mi fanete ngu kale kuva mi di vagondisi, kambe ni konkuwa mi ngadi mi txi fanela kugondiswa makhato a timhaka ta Txizimu. Mi hindukile mi txi maha vathu va va fanelwako ngu masi, i si nga ngu sakudya so banga.

Titosi 1:10

Nguko vaho vakanyisi vavangi, vanyamuwombe ni vaxengeteli, ngutu-ngutu ka mtxawa wa vawukwera,

1 Vakorinto 14:20

Vanathu, mi nga ti maheni vanana mapimoni kwanu. Ka tile to biha, eho ti maheni vanana, kambe amu ka mapimo ti maheni madhota.

Mithumo 17:5

Aniko Vajudha va to tala ngu wukwele, ve kujetela vavamna vokari va migewu, ava va nga ramba dibutho ve wusa dizunga didhoropani; se ve randela nyumba ya Jasoni, va txi lava Paulo ni Silasi kasi ku va yisa masoni ka vathu.

Isaya 3:4

na va ninga mazambi kasi ku ma txi maha vathangeli vawe, ni vanana va na va fuma.

Ekleziyaste 10:16

Dikhombo kwako awe ditiko, mfumeli wako i ku mwanana, vathangeli va dona vadyako ni mixo.

Mavingu 28:19

Awule a dimako mafu akwe, a na khura ngu sakudya, kambe wule a londetelako ta walo, a na talelwa ngu wusiwana.

Mavingu 12:11

Awule a dimako mafu akwe a na khura ngu sakudya, aniko awule a londetelako mikara kha nga ni mapimo.

Masalmo 26:4

Kha ni zumbi ni va va randako makuhu, kambe kha ni tsimbili ni vakanganyisi.

Jobe 30:8

I ti ti vanana va siphuku-phuku, vanana va vathu vo mbi na matina, va ti ti tutumiswa ditikoni.

2 Makronika 10:16

Ngako koko, va ka Israyeli votshe va di woni taku, mfumeli kha va engisa, vathu va to xamula mfumeli, va txi kha vona: Njiavelo muni hi ku natxo athu ka Dhavhidha kani? Kha yi nga ngadi ni thomba ka mwana Jese; Israyeli, mmwani ni mmwani a na tshumelele ditendani kwakwe! Konkuwa awe Dhavhidha wonetela ta nyumba yako. Aniko votshe va ka Israyeli va to tsula matendani kwawe.

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

1 Vafumeli 21:10

Mi veka masoni kwakwe vavamna vambidi, vanana va Bheliyali, va txi womba masoni kwakwe va txi kha vona: U ruketete Txizimu, ni mfumeli; se mi txi m'humisa hahanze mi txi m'balisela ngu marigwi, a txi fa.

1 Samuwele 22:2

Se votshe vathu vale va nga ti ti xaniseka, ni votshe vathu vale va nga ti ni minandu, ni votshe vathu vale va nga ti ni moya wo biha, va to sengeletana kwakwe, se ene e va mthangeli wawe; vale a nga ti na vo i ti vo dingana 400 wa vavamna.

Valamuli 11:3

Sekoko Jefta a to tutuma a txi thava vanakwe, se a txi ya zumba ditikoni ka Tobha; kambe vavamna vokari va sindaka-milayo va to patana ni Jefta, va txi xoma kumweko nayo.

Dhewuteronome 13:13

vathu vokari, vanana va Beliyali, va humile hagari kwanu, va timetile vaaki va didhoropani kwawe, va txi kha vona: “He tsimbileni hi ya khozela simwani sizimu,” sizimu sile mi si si ziviko,

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.