2 Makronika 13:5 - Bhiblia Yo Sawuleka

⁵ Kha mi tizivi ti to Mkoma Txizimu txa Israyeli txi ningite wukoma wa va ka Israyeli ka Dhavhidha ni ka vanana vakwe, ngu txitumelelano txa m'nyu kani?

2 Makronika 13:5 Referans Kwoze

Mitengo 18:19

Yotshe miningelo ayi vanana va ka Israyeli va no ninga Mkoma, ya simaha so sawuleka si nota ningelwa kwako, kumweko ni ka vanana vako, va mazambi ni vamahorana, awuwa wu na va mlayo wa yotshe mbimo. Nguko atxiya, njitumelelano txa kala kupinduka, txa mnyu masoni ka Mkoma, a txi txi no maha txako ni ka liveleko lako.

Levhi 2:13

Se u fanete u txi lunga ngu mnyu, yotshe miningelo ya sa sakudya; kambe ku nga pwateke mnyu ka sakudya sa sako sa mningelo, wa txitumelelano txa Txizimu txako; Lunga ngu mnyu yotshe miningelo yako ya sakudya.

1 Vafumeli 8:20

Mkoma a to di tsanisisa toneto dipswi dile a nga ti di wombile; nguko ni emile ka wukhalo wa tate wangu Dhavhidha, ni khalahatshile ka txitulu txa wukoma txa ka Israyeli, nga ha a nga womba Mkoma; se ni akete nyumba ditina da Mkoma, Txizimu txa Israyeli.

Ezekhiyele 43:24

U na si ningela masoni ka Mkoma; se vaphaxeli va theletela mnyu txitimwi ka sona, va txi si maha mningelo wo hiswa, ka Mkoma.

1 Makronika 17:14

Aniko ni na m'tsanisa nyumbani kwangu ni mu ka mfumo wangu kala kupinduka, ni txitulu txa wukoma wakwe txi na tsana ngu ha ku sigwitiko.

1 Makronika 17:11

Se ku na maheka taku, mbimo yi masiku ako ma no tatiseka, o tsula ka vaveleki vako, ni na emisa ka liveleko lako, mmweyo ka vanana vako, ni tsanisa mfumo wakwe.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

Mavingu 1:29

Ngako mi nga venga wuzivi, kambe kha ma lava kuthava Mkoma;

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

1 Samuwele 16:12

Sekoko Jese a to ruma vathu veya mlava ve wuya nayo (i ti wo bhilivila, wa khohe yo tshura, ni txiemo txo khaleka). Se Mkoma a to khene ka Samuwele: Khukha u mu tota mafura, nguko awuwa ngene ngu ditshuri.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

2 Pedro 3:5

Kambe vona va maha khakwenye, va txi nga vo ti timelela tito: I kale yi diho nzuma ni mafu, mafu awa ma nga thaviswa ka mati, ma txi vekwa hagari ka mati ngu Dipswi da Txizimu.

2 Samuwele 10:13

Sekoko Jowabhi kumweko ni vathu vale a nga ti navo, va to tshuketa ve lwa ni Vasiriya; aniko Vasiriya va to tutuma masoni kwakwe.

2 Makronika 6:16

Konkuwa koko, awe Mkoma, Txizimu txa Israyeli, maha ka txithumi txako Dhavhidha tate wangu, a ti u nga mthembisa u txi khawe: Kha ku na mbi pwateka dijaha masoni kwangu, a di di no khalahatsha ka txikhalo txa wukoma txa ka Israyeli; aniko vanana vako va na xayise nzila yako, ve tsimbila ka mlayo wangu, nga ti awe u nga tsimbilisa tona masoni kwangu.