2 Makronika 13:2 - Bhiblia Yo Sawuleka

² A to fuma malembe mararu Jerusalema; se ditina da mame wakwe i ti ti Mikaya, mwana Uriyeli, wa didhoropa da Gibheya; se ku to maneka kulwa hagari ka Abhiya ni Jerobhowamu.

2 Makronika 13:2 Referans Kwoze

2 Makronika 11:20

Msana keto, Robhowamu a to teka Mahaka, mwana Abhisalome; se Mahaka a to veleka: Abhiya, ni Atayi, ni Ziza, ni Selomite.

1 Vafumeli 15:2

Se a to fuma malembe mararu Jerusalema; se ditina da mwamwakwe i ti ti Mahaka, mwana Absalome.

1 Samuwele 10:26

Sawule nene a to tsula m'tini kwakwe, kona Gibheya; se ka dibutho a to tsula ni vale Txizimu txi nga gwesa timbilu tawe.

Valamuli 19:16

Se wona taku wamwamna wokari wo kumba a ti ti wuya ngu kuthumani thembweni kwakwe; se wamwamna wuwa i ti ti wa mmangoni ka va ka Efrayime, aniko i ti ti muwuyi wa Gibheya; sekoko vavamna va wukhalo wuwa i ti ti vanana va ka Bhenjamini.

Valamuli 19:14

Va to pinda koko va txi tsimbila veya masoni, va di hokile hafuhi ka Gibheya, i ku didhoropa da ka Bhenjamini, ditambo se di ti swite.

Joxuwa 18:28

Sela, Elefi ni Gebhusi, (e ku Jerusalema), i Gibheya ni Kiriyati: Digumi da madhoropa ni mune, ni miti ya kona; ayiya i thomba ya vanana va ka Bhenjamini, madingano ni mtengo wa timwaya ta kona.

1 Vafumeli 14:19

Kasi ngu didhawa da yimwani mithumo ya Jerobhowamu, ati a nga lwisa tona ni ti a nga fumisa tona, totshe ti bhatwe amu ka Dibhuku da Matimu a Vafumeli va Israyeli.

2 Makronika 13:3

Abhiya a to sawula 400.000 wa vathu e va ruma kuya yimbini, i ti mtxawa wa vavamna vo txhariha ngutu kolwa; Jerobhowamu e longisa 800.000 wa vavamna a nga ti ti va sawute, vavamna va tindena.

1 Vafumeli 14:20

Se Jerobhowamu a to fuma magumi mambidi a malembe, se a to otela aha va ku kona vatate vakwe; mwanana wa kona Nadhabhi a to fuma ka wukhalo wakwe.

2 Makronika 12:15

Kasi ngu kutala ka mithumo ya Robhowamu ni ka toshe ti a nga ti maha ti nga va ti sa bhalwa ka mabhuku a matimu a Semaya mprofeti, ni a Idho muhuti, madingano ni tihunzu tawe. Se ku to maneka kulwa hagari ka Robhowamu ni Jerobhowamu ka masiku awe otshe.