Biblia Todo Logo
Bib sou entènèt

- Piblisite -




2 Makronika 13:19 - Bhiblia Yo Sawuleka

19 Se Abhiya a to tovela Jerobhowamu e mtekela Bheteli ni makhalo o fumwa ngu ngene, ni Jezana, ni Efroni ni otshe makhalo awa ma fumwako ngu ngene.

Gade chapit la Kopi




2 Makronika 13:19
11 Referans Kwoze  

Ngako Asa adi engisile timhaka tiya ti nga wombwa ngu mprofeti, mwana wa Obhedhi, a to tsana e thavisa sotshe simaho so nyenyenza sa ditiko dotshe da ka Judha ni da Bhenjamini, ni mu ka madhoropa ale a nga ma teka mimangoni ka Efrayime; e lunguiseta txiluvelo txa Mkoma atxi txi nga ti ti masoni ka m'hubhe wa Nyumba ya Mkoma.


Kukhukhela txitimwi ka muhingano wu komba kuya mlongani ka mati a Neftowa, wu txi komba kuya madhoropani ka mmango wa Efroni, wu tshumela wu txi komba kuya Bhahala i ku Karime-Tiyarime.


Ngu konaho, Jesu kha engeta e tsimbila kuwonekani hagari ka Vajudha. Kambe a to khukha koneho a tsula ka ditiko di di ku hafuhi ni txiwula, ka didhoropa di di dhanwako ku i Efrayime, eya zumba kona ni vagondiswa vakwe.


Se ngako va di ti woni vavamna va ka Israyeli, vale va nga ti didhawani ka mkova ni ka didhawa da khenu Jordhani, taku vavamna va ka Israyeli va tutumile, ni ti to Sawule ni vanana vakwe va ti ti datwe, va to leka madhoropa ve tutuma; se Vafilista va to ta, ve ta zumba ka ona.


Se Joxuwa a to teka otshe madhoropa a vafumelivo, a txi daya votshe vafumeli va kona ngu ditxhari, e va lovisa, nga ti Mosi txithumi txa Mkoma, a nga ti leletete tona.


Va to di khozisa didhoropa kumweko ni mfumeli wa kona, ni otshe madhoropa ale ma nga txi fumwa ngu dona; va to ma fuvisa ngu ditxhari, ve lovisa sotshe sile si nga ya maneka ka dona si txi hanya, kha va leka ni wumwewo e sala; nga ti a nga maha ka Hebroni, ni ka Libhina, ni ka vafumeli va kona, ngu toneto Joxuwa a nga ti maha ka Dhebhiri ni ka mfumeli wa kona.


Se anu mi nga emeni: Tutumisani valala vanu, va londeteni ngu msana, kambe mi nga va lekeni va txi wulela madhoropani kwanu, nguko Mkoma, Txizimu txanu, a va ningete manzani kwanu.”


Se va ka Israyeli va khozisilwe, vanana va ka Judha ve xula nguko va thembile Mkoma Txizimu txa vatate vawe.


Ngu ka mbimo ya Abhiya Jerobhowamu kha nga ngadi kambe e ma na mtamo a to pekwa ngu Mkoma a fa.


Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.


A to veka vathu va yimbi ka madhoropa otshe a hombe a Judha, ni va woneleti va ditiko da Judha, ni ka madhoropa a Efrayime awa Asa tate wakwe a nga ti ti matekile.


Swiv nou:

Piblisite


Piblisite